影片
更多
2023-05-06
1391 浏览
先讲食物，我今次第一次嚟食，所以除咗个海皇炒饭之外仲叫咗个黑松露虾仁炒蛋。炒饭超大份而且镬气唔错，配料就正常急冻货，冇咩味，但系都算足料。松露虾仁蛋就炒得够滑够香，系细碟咗少少，但呢个价钱我觉得可以接受。但系，呢间嘢嘅管理方面就真系极度需要改善。首先我唔会推荐一个人自己嚟食呢间嘢，因为呢间餐厅只系留咗 *一张枱* 俾啲1-2人嘅食客入座。当日我放假自己一个人去，见到出面负责接待嘅姨姨一直放啲迟过我到嘅3-4人入座。直到我等咗半个钟，见到佢又准备放其他人入去，我先同姨姨讲我已经等咗好耐，个姨姨先勉为其难咁腾空一张枱畀我入座。（认真讲，你留啲大枱俾5-6人以上嘅我理解，但你啲3-4人枱应该可以留番几张俾啲人数少嘅搭枱挂？我觉得一直要啲早到嘅人迟入座唔太合理）然后第二样嘢就系呢间餐厅嘅上菜速度极慢。呢样嘢喺观塘区放饭真系死罪黎。我见到隔离几台同我差唔多时间入座嘅客人（有啲系早过我入）等咗40几分钟都未有嘢食，结果佢哋有啲人要走先，净低嘅就叫姨姨帮佢转做打包拎走。我自己碟虾仁炒蛋25分钟上咗黎，本身谂住慢慢食，等埋碟炒饭，结果食下食下就食晒碟蛋，碟炒饭都仲未到（所以碟蛋冇影相）。原本都有谂过催
但系，呢间嘢嘅管理方面就真系极度需要改善。首先我唔会推荐一个人自己嚟食呢间嘢，因为呢间餐厅只系留咗 *一张枱* 俾啲1-2人嘅食客入座。当日我放假自己一个人去，见到出面负责接待嘅姨姨一直放啲迟过我到嘅3-4人入座。直到我等咗半个钟，见到佢又准备放其他人入去，我先同姨姨讲我已经等咗好耐，个姨姨先勉为其难咁腾空一张枱畀我入座。（认真讲，你留啲大枱俾5-6人以上嘅我理解，但你啲3-4人枱应该可以留番几张俾啲人数少嘅搭枱挂？我觉得一直要啲早到嘅人迟入座唔太合理）
然后第二样嘢就系呢间餐厅嘅上菜速度极慢。呢样嘢喺观塘区放饭真系死罪黎。我见到隔离几台同我差唔多时间入座嘅客人（有啲系早过我入）等咗40几分钟都未有嘢食，结果佢哋有啲人要走先，净低嘅就叫姨姨帮佢转做打包拎走。我自己碟虾仁炒蛋25分钟上咗黎，本身谂住慢慢食，等埋碟炒饭，结果食下食下就食晒碟蛋，碟炒饭都仲未到（所以碟蛋冇影相）。原本都有谂过催下啲嘢食，但系见到隔离早过我到啲打工仔都仲未有嘢食，所以我放弃咗。最后我碟炒饭等咗50几分钟先到，如果我𠮶日唔系放假的话我都一早走咗。
临走前我都同餐厅位哥哥仔倾咗两句，知道原来间嘢净系开咗两个月左右，所以希望佢哋日后会改善，同埋啲嘢食质素都可以keep到啦。
海皇炒饭
62 浏览
2 赞好
0 留言
张贴
