坐忘 (已搬遷) 新店位置

一段时间冇嚟食，一晚嚟咗天后呢间食野菜咖喱饭同埋牛油烤鸡咖喱饭，平时食开猪软骨，但几次食完都觉得好似食紧煲完汤嘅猪肉之后就唔敢再叫住。而黑芝麻牛肋系好味嘅，不过今晚想试新嘢。坐位预咗系坐得迫嘅，因为始终间舖极细，所以冇问题，问题在于食物质素，我唔清楚间餐厅系转咗手定点，牛油烤鸡野菜得几款野菜，得几件红萝卜脆玉瓜薯仔，完全唔系以前咁，而所谓嘅牛油烤鸡只系煎鸡，唔香完全冇味，要靠咖喱汁先食到，最后食净一旧仔。其实小店本应支持，但唔该可唔可以维持番正常食物水平，一个饭唔平架，依家变咗性价比低了。