康姨小廚

营业中

休息中

一向咀刁的朋友介绍话高山剧场旧翼1/F开左间中菜馆, 叫《康姨小厨》装修以中国曲艺为主题, 雅致舒适, 加上食物味道一流, 价钱又吾贵, 所以约埋3、5知己，慕名一试。《康姨小厨》一D都吾难揾，就在高山剧场旧翼的1楼, 一眼就见到。 我们约7时到, 餐厅十分旺场, 等左一阵才能入座,到7:15pm过后, 睇show赶入场既食客陆续埋单, 餐厅更觉舒适好座。我们点左周中师父推介既当归红枣蒸鸡(d鸡系鲜鸡, 好嫰滑, 当归味又岩岩好)、鲜虾带子蒸水蛋 (d蛋好滑，送饭一流)、椒盐鲜鱿(好有惊喜, 惹味又鲜味)，咀刁朋友确实无介绍错。美中不足是餐厅暂时未有太多甜品选择, 对我呢个甜品控来说是有少少失望。 听餐厅职员讲, 话迟d先会推出甜品, 叫我下次来试。饭后仲有惊喜, 朋友本月生日, 有特别折扣兼送生日礼物(要在预定时说明),惊喜之余, 更觉餐厅有人情味。 礼物是同属《康姨》系列的康姨曲奇, 听讲是手造的，兼无防腐剂, 虽然份量不大, 但亦使我们食吾停口, 破坏了我个friend 既on-diet大计。