康姨小廚

营业中

休息中

阿姨說高山劇場裡面有間中菜質素不錯，一直也很想試試她們的晚飯，於是差不多早一個星期預訂了一個禮拜後週末的晚餐，聽店員說預約的確幾滿，而部份菜式亦需要預訂。餐廳面積不大，可以說是一眼看完，7pm來到基本上都已經滿座，因此記得要訂座。北菇羅漢齋($80)上菜時我們均嘩了一聲，份量大得來又不斷冒煙，滲出的南乳味令人急不及待要開動了！羅漢齋的材料有蔬菜、雲兒、菇菌、粟米仔、粉絲、竹筍等等，豐富的食材吸收了香濃的南乳醬，餸白飯一流清炒時蔬($58)有幾款菜類可以選擇，特意請餐廳炒得淋一點方便老人家吃，餐廳也盡量配合到，只是若可以不要那麼油會更佳。老實說西檸軟雞塊($80)的外貌並不討好，雞塊細碎不如在外面食到的一條條、一整件那樣；可是吃上去卻也不錯，炸漿夠薄脆所以肉的比例比前者提到其他餐廳較高，肉質軟淋，醬汁微酸十分醒胃，同時雞塊剛剛炸好，即使淋上西檸汁也不會讓炸粉變淋，仍然保持到香脆的狀態，有點驚喜。不少人都推介過冰梅欖角骨($98)，我們當然要點來試試啦。一字骨熱得燙嘴，醬汁酸酸甜甜又有欖角的香味，肉質不難咬開，是除了西檸雞之外又是一道很好餸飯的菜式。最後我們還點了涼瓜炒牛肉($85)。跟其

嘩！今晚食咗個超正既晚餐真係開心到不得了😋！當中嗰啲生炒糯米飯簡直係炸到我嘅taste buds喇🤤！每粒米飯都彈牙得嚟又唔會黏笠，啲臘肉同蝦仁既鮮味就好似舞台焦點，搶晒鏡，食咗一啖仲想再一啖！另外嗰個脆奶京都骨真係正到爆炸💥，骨頭嘅肉質咁嫩，奶香四溢，啖啖肉咁誘人，一啲都唔肥膩。椒鹽鮮魷就真係另一回事啦，外皮酥脆得嚟唔會過鹹，啲魷魚肉甜，口感又彈牙，鬼馬香口得黎略帶一點點辛香！👍最後，有個燉湯真係補到我。湯底嘅味道濃郁得黎又唔會太上火，飲落去好滋味，仲有啲溫暖浸透心窩嘅感覺。今晚呢頓飯真係滿足晒！飯後心情都靚晒，從口味到質感都絕對有水準，真係即刻記低，下次再嚟光顧！ 🙌🍴💯

今日收工急急腳趕去土瓜灣，有幸再看朋友的演出，開心之餘，實要醫一醫肚啦。當然去吓劇場餐廳，那些年帶人嚟，自己嚟，都會去食，由速食三文治，到湯小菜甜品hea食3小時，也在此經歷過，餐廳一向給人一貫作風…務實。沒有巧立名目，簡單家庭式製作。中菜就是樣樣都有，大件抵食，可惜今次不太餓，加上有點趕，只叫了一種食品，開心慶賀朋友演出成功。……要想要湯，又想要菜，又想要魚……服務員細心帶位安排，再來一壺醇滑甘香的普洱，嘩嘩嘩，竟然係靚茶…沒苦澀味…生津潤喉…果然老闆愛做菜的心未變。點選了冰梅骨，就是貪其口味有梅的清香，加上甜酸的味道，可以一口一口全吃掉。再看看大廚製作又藉一讚，排骨炸漿薄，肉入味，份量足又大件（仲要肉多骨少），易咬開，某餐廳/酒樓/兩餸飯完全比下去。因為趕時間沒有點鮮魷，翠塘豆腐，下次再約三五朋友路過再食。

週末放工後想即興吃個中餐，想幫襯嘅酒樓全full或要等食第二輪我又覺得太夜，諗起曾與友人吃過康姨，於是向家人提議來這裡。三大一小，點了：- $138冬瓜盅- $168黃金蝦- $8x牛柳粒- $8x鴛鴦炒飯- 仲有幾罐汽水、糖水埋單五百幾。仲影咗黃金蝦但插唔到照片，第一次寫食評，見諒😅整體上，所以食物都唔錯、幾好味，份量合理。最重要係唔迫唔多人，始終疫情唔想去太迫嘅地方。1. 最好book定位，因為遇著劇場開戲，都幾多人2. 如泊車又沒有錶位，樂民新村車場都好方便3. 見隔離枱留咗半隻咸雞本來想試，但夠飽就留待下次

👍人手不多、但並不亂，食物質素有保證，味道也合格，環境佳的社企，大家有時間可到訪 。 一定會令你喜出望外。 1,干炒牛河 2, 牛腩炒河 3,涼瓜煎蛋 4,鮮茄肉片👍 另打卡点特別多，樓梯一大景点，勿忘上新翼三樓草地。

朋友帶路，得知原來高山劇場除左睇粵劇仲有間飯堂，康姨小廚係一間社企餐廳，午市套餐都好多選擇，仲包埋例湯，我今次點了小菜同炒飯，都幾大碟，值得支持。🔻京都豬扒酸酸甜甜，好入味，又開胃，配飯食一流🔻揚州炒飯炒得幾好，粒粒分明，又唔油膩

高山公園經過裝修後，多了很多扶手電梯和欄杆，方便老人家出入，原來在公園舊翼內有間「康姨小廚」，若不是朋友介紹，真不懂得找上來，今日一試，出品挺不錯呢！餐廳光猛乾淨，每張枱都鋪了即棄枱布。點了小菜後，服務員就每人送上一碗例湯《冰梅骨》$80《柱候牛腩》$88這兩個餸都在水準以上，牛腩燘得很軟腍入味《西檸煎軟雞》$75很久沒食過西檸雞，酸酸甜甜的，很開胃《八珍豆腐煲》$85《北菇羅漢齋》$80《菠蘿雞粒炒飯》$78還有一個意外驚喜，餐廳竟然送了一盒4隻碟和一包余仁生的湯包，外出食飯咁多次，都是第一次收到禮物。

朋友搞團年飯，在這裡訂了三圍枱，其中一圍吃素。我們選了吃葷。第一次踏足高山劇場，地點有點隔涉，但正因爲這樣，覺得很新鮮很特別，也不知道原來這裡有幾間食肆。康姨四小碟 ：肴肉丶准山丶牛𦟌丶青瓜四款前菜各有特色，先滿足了味蕾。瑤柱海皇羮這個稍嫌味道太重西蘭花炒花姿蝦仁足料好味霸王雞肉質鮮嫩清蒸花尾躉熟度剛好菠蘿咕嚕肉足料好味椒鹽鮮魷不錯太極鴛鴦飯頗大碟，味道一般蝦球窩面麵的䶨水味濃甜品糖水為蓮子百合紅豆沙

本人今天中午飯刻意走到這裡試下中午飯，當我進入餐廳的時候感覺本來是不錯的，但係一坐低就無名火起三仟丈，因為我一坐低就叫了一份咸蛋蒸肉餅，結果等了一段時間，只係嚟咗個例湯，連坐在我對面的客人比我早到和遲落單也差不多食完，結果要我三催四請先到，跟住又發現另一件怪事啦，就係點解冇飯嘅？於是又要追負責落單嘅職員，他才說原來呢個係家常小菜，所以唔包飯，我當時即刻呆左一呆，首先，點解當初落單時，個職員唔講明唔係套餐唔包飯，其次，完全唔合羅輯，請問各位有冇可能客人叫中午飯會完全唔駛叫飯齋食肉餅和飲例湯，仲夠膽講補番個白飯要收$12一個，不如去搶好過。

昨天去高山劇場看戲，與朋友到「康姨小廚」食晚飯。可能很多人都不知道已有新食館開業吧，昨天只有幾圍食客。印象以前的餐館開場前座無虛席，因為高山劇場位置不太方便，在劇場餐館食過飯再看戲是最理想的安排。因為我們只得兩人，所以我們叫了兩個小菜；鹹魚蒸肉餅及清炒菜心。蒸肉餅做得很不錯，鬆硬適中，鹹度也適中。清炒菜心更是喜出望外，因為一般食肆都會先將菜烚熟，然後簡單炒兩吓，連我在一間尖沙咀有名食肆，一碟收費$120（未計加一）清炒菜心也是烚出來而不是炒出來。昨晚可以食到一碟用心炒出來的清炒菜心真令心曠神怡。

環境舒適，座位寬闊，食物唔錯，值得支持的社企餐廳。椒鹽排骨很好吃，午市客飯又好多選擇，例如漁香茄子，豆腐火腩，豆腐班腩，梅菜蒸脘魚，價錢又平，只是$50左右，有例湯送，不用加一，只收茶芥。

早聽聞高山劇場開左間社企餐廳，適逢今日到附近工作，特登黎試下。午市套餐好抵食，又多選擇，有小菜有炒麵炒飯有湯飯⋯⋯套餐送既例湯好正，飲得出唔係味精湯，而且多湯料。極度推介椒鹽排骨！超好味！一定會再黎食！

想起父親節又到，本來又喺Book 酒樓食，但一家人食厭了酒樓套餐，諗起呢間小店，價格合理，選擇多，所以決定試吓。本來我地Book咗15人，後來多加多一個，一共16人，座位變得十分擠迫，但又無圓櫈可更換。幸好經理幫忙，最後都解決了。最後大家食咗超多嘢，質素十分高，母親大人連魚頭都食埋，而且價錢非常超值，大家都話會再嚟幫襯。

價錢唔貴 加大大碟 令佢性價比高 夠吸引加上係社企 食得舒服呀環境就唔算闊落 可能因為樓底唔高 不過普普通通黎食一餐都一定夠飽好香口，炸既時間適中全部都好食，但係個肉餅太咸，因為肉餅本身咸，佢再加豉油，覺得無豉油既話就岩岩好喇。唔錯唔錯餐具都幾有特色個湯都係咸左少少岩鐘意濃味既客人呢個曲奇真係好好食！朱古力味好正，唔會甜到滯個款，我自己唔食藍罐曲奇，會食Jenny's 個款，呢款係我新寵呀。都推介大家黎食下，飽之餘又幫到人。

昨日中午，相約仔仔到高山劇場中菜食午飯，因為仔仔係理工讀書，難得同我食飯，所以找間近他宿舍的餐館。點了餐牌上的一碟冰梅骨，食如其名，冰爽微孫帶甜，配合厚切豬扒肉汁豐富，我仔仔大讚不絕，還有咖啡可點選，岩曬現代家庭聚餐