歐意餐廳 (已結業)

上水近年俾药房占领晒之后 一直都觉得冇乜好食 但今日畀我发现喺火车站隔离嘅彩园商场 有间食物唔错嘅西餐厅 装修以茶餐厅格局去做 不过灯光偏暗 比较有情调夜晚嚟到人唔太多 坐得都ok舒服有pizza港式扒餐等等 我哋就叫咗个铁板杂扒餐同埋西冷牛扒餐 跟餐已经有红汤白汤 我就加钱改咗海龙王酥皮汤 酥皮焗得够脆 而且好香牛油味 加上海龙皇汤 有好多海鲜有鱿鱼 蚬肉 鱼肉等等好足料 铁板杂扒餐劲丰富 有鸡扒 巨型猪扒 牛柳 肠仔等等 腌料够入味 牛排完全唔韧 仲可以冧上黑椒汁或者烧汁 铁板够热 咋咋声有风味 饭底系炒底 有诚意铁板西冷牛扒餐 牛扒够厚身 有接近一吋厚 保留到肉汁之余 唔会过熟 同样咋咋声 有童年味道