聯華茶餐廳

营业中

休息中

好有老香港感觉的店面叫了个焗猪扒饭，呀姐好友善，落单时话「今日焗猪好靓呀，送个例汤你饮，要中定西汤？」我拣左个中汤，青红罗白汤，好有家庭味道！焗猪即叫即焗，等左10几分钟，无问题！上枱时已经饭同猪扒倒左上碟个焗猪扒饭同平时大X乐个种西式既味道唔一样， 首先个炒蛋饭底，饭比较霖，味道不似炒饭反而似细个呀婆整既鸡蛋蒸饭，茄汁都唔系平时点薯条茄汁既味，应该是鲜茄加青芹既味。猪扒好大旧，粉浆厚，肉偏肥所以霖身。总之，我会形容佢系中式既焗猪饭。可能我钟意同惯左西式大X乐既味，而且本人喜欢粒粒分明既饭，所以唔系我杯茶 （不过可能有人会喜欢呢种中式既味，各有各喜好吧）要一提是份量非常多，2人食都足够有余第二日买左个外卖粟米班块饭，份量一样好多。鱼都有4～5块大大旧鱼肉都好足，唔会只有炸粉。炸得唔错，外卖拎走15分钟后食都仲觉鱼好脆。个汁是盒装那个甜粟米。 成个汁偏甜。 可能我钟意咸既粟米汁，所以都唔系我杯茶。总结，2 个饭都唔系好arm 我胃口， 不过又唔可以话佢难食，可能只是各人口味唔同。小店经营呀姐友善，街坊生意，见到好多呀叔去开饭。