米線嚫

营业中

休息中

平时唔太起眼嘅一间铺头，见到系食米线就试下先，本身都无乜抱希望， 但一上枱，都有惊喜㖞。好大碗卖相都几好，一个酸菜鱼（中辣），一个蕃茄汤肥牛风琴豆腐（无辣）。先讲米线，质地滑lulu唔系平时爽口嘅口感，初初一夹以为好稔，实际食落又唔算稔，估佢唔到滑嘟嘟好唔错，但唔钟意稔口感嘅人外卖就一定要分汤同叫佢煮硬啲，堂食可以话啱啱好，可以硬返一啲就返摆得耐嘅情况。酸菜鱼个味唔似平时食开嘅味，系好特别。。。好难形容添，无乜酸菜味但同个辣度系好配合，我觉得好好味，辣唔系麻辣，系好容易入口嘅辣味，个味调得好好，中辣似谭仔中辣嘅辣度。鱼块数量都足，鱼质都好味，值得一试。唔食辣可以试蕃茄汤，好浓郁，而且好重肥牛味，个风琴豆腐索哂啲蕃茄汤超正，加咗十五蚊试咗个香茅猪扒，猪扒都好入味好稔唔错唔错。一杯冬瓜薏米水，好足料架，有半杯薏米唔算好甜，似屋企自己煲嘅咁，感觉好健康。