点心代表 (已結業)

3个人中环食晏，呢度吾多人，又有得订台，来凑热闹，试下佢嘅卡通点心。沿路落地库，满墙都是卡通人物装饰，都几吸睛，心情立刻活泼起来。再睇下menu, 点心加了特别生鬼名称，又有卡通人物造型，或精致动物造型，女孩子及小朋友一定喜欢。小白兔虾饺，造型可爱，一笼三个，饺皮干爽弹牙，虾肉鲜甜，正！凤爪排骨饭，超大笼，饭粒分明弹牙干爽，排骨过肥，凤爪够入味却件数略少。绵花鸡，有鲜甜蟹柳及大大件厚东菇，感觉健康，用菠菜面包裹，弃用腐皮，面却扭作一团成面饼，破坏卖相，我吾想食旧粉落去。鲜竹卷，卖相有D一团糟，又好似蒸干水左，影响食欲。糖水就好足料，多料之作，够滋润。平均$50一个点心，贵左D，服务却非常好，礼貌好，加水快，抵赞。