点心代表 (已結業)

3個人中環食晏，呢度吾多人，又有得訂檯，來湊熱鬧，試下佢嘅卡通點心。沿路落地庫，滿牆都是卡通人物裝飾，都幾吸睛，心情立刻活潑起來。再睇下menu, 點心加了特別生鬼名稱，又有卡通人物造型，或精緻動物造型，女孩子及小朋友一定喜歡。小白兔蝦餃，造型可愛，一籠三個，餃皮乾爽彈牙，蝦肉鮮甜，正！鳳爪排骨飯，超大籠，飯粒分明彈牙乾爽，排骨過肥，鳳爪夠入味卻件數略少。綿花雞，有鮮甜蟹柳及大大件厚東菇，感覺健康，用菠菜麵包裹，棄用腐皮，麵卻扭作一團成麵餅，破壞賣相，我吾想食舊粉落去。鮮竹卷，賣相有D一團糟，又好似蒸乾水左，影響食慾。糖水就好足料，多料之作，夠滋潤。平均$50一個點心，貴左D，服務卻非常好，禮貌好，加水快，抵讚。

中午放飯同同事專登去食點心～見到妮間幾得意又廢事諗於是就決定試下🤤由於始終係中環地區中午放飯時間真係好多人而且有限時！不過都坐得比酒樓舒服既🤓今次crossover既人物係蠟筆小新，好有童年回憶😚幾乎所有點心上都有眼耳口鼻 以為只係得個樣但食落味道都有驚喜！比想像中好吃👍🏼特別係腸粉西瓜糕好煙韌！去相！值得一提係飲品都真係幾出眾！絕對吾馬虎～講返價錢先～絕對係貴既！不過一大堆朋友叫好多好多野然後影返一大堆相都算係值會票價啦(>^ω^<)間吾中一餐又有咩所謂喎🤘🏼

因為近排係網上見到好多Media宣傳呢間海綿寶寶素食點心舖，作為海綿寶寶Fans嘅我又點可能唔嚟先得嫁！首先嚟到見到由入門口到行到左面嘅路途都係滿滿嘅海綿寶寶裝飾、掛畫等等，呢樣嘢對住Fans嚟講絕對加分，餐廳都比想像中大好多，唔知係咪星期三嘅關係，只有好少客人。點心價錢都唔算貴，兩個人食總共叫左三個點心一個飯同人參烏龍茶。第一個嚟到嘅係黑松露鮮菌燴飯，佢英文都係寫Risotto，嚟到點知係炒飯🤔 不過菜到嘅時候佢都有好大陣黑松露味道散發出嚟，係幾道菜嚟講呢個都算不俗。海綿寶寶系列嘅點心嚟啦！外表嚟講都唔錯，味道嘅話佢真係有流沙，都幾好食。海綿寶寶馬拉榚嘅賣相係咁多點心入面我最鐘意！不過由於影左太耐相先食，想食個陣已經涷左，隔離嘅職員好主動問我哋有冇需要加熱，有呢個加熱服務的確係加左分，但係食落口感都係好一般另外，仲有2個無出鏡嘅野狼蝦春卷，味道好普通，入面係有啲雜菌類似嘅食物。再叫左人參烏龍茶飲，但就唔太飲到人參味道。總結嚟講，嚟呢度食都係食佢食物嘅外貌，味道嘅話就實在太一般啦

未正式推出Spongebob系列點心之前睇報導已經一早bookmark左要去打卡!是晚約好同樣是Spongebob同Patrick狂熱分子的朋友帶住勁興奮既心情一試~佢講明係即叫即做點心, 要預左等10-15分鐘先上菜。朋友落完order 5分鐘左右就上左蛋撻同西多士, 唔知係少客定係做起左翻熱呢?不過都冇影響味道, 仍然夠熱都埋全素菜夠健康, 唔會似傳統的中式點心好油膩~最期待係呢個有Spongebob可愛樣既奶皇流沙包, 食之前要小心唔好咬太深怕流心太多handle唔到~ 你睇真係好流心!仲有呢個蜂蜜奶黃西多士, 夠厚之餘, 中間都係有奶黃流心~一個人真係食唔哂, 所以建議要開心share。而上面果塊曲奇雖然有我最愛既Spongebob, 不過icing唔想食太多, 所以只好留比相機食啦!仲有呢個黑松露雜菌蒸餃, 都值得推薦。黑松露味好香, 雜菌唔漏, 蒸餃煮法可以鎖住菜汁唔會乾爭爭,!餐廳周圍仲有好多Spongebob同Patrick既打卡位~

今次 SpongeBob X 点心代表 大玩crossover 💛💛💛草根妹妹👧🏻期待咗好耐嫁啦！！！身邊嘅朋友都知草根妹妹真係超級超級中意海綿寶寶 😍而家終於等到啦👏好興奮啊😳聖係用嚟潮嘅，緊係要搵埋草根姐姐一齊去啦~今次嘅海綿寶寶點心全部都係素食嚟嫁🌿真係估佢唔到bor~去到見到餐廳周圍都係海綿寶寶嘅裝飾，未食已經心心眼話說草根姐姐幾乎將全部新品由點心、主食到甜品都叫勻，真係顛左，但係最終證明咪又係食得晒😌🤘🏻奶黃流沙包（$49）Steamed Egg Yolk Buns 好流沙，但蛋黃味唔夠重紫芋流沙包2隻（$49）Steamed Egg Yolk Buns with Taro紫芋包係唔流心嘅，呢樣都唔緊要，問題係完全食唔出有味道😰呢個可以skip🙅🏻派大星紫芋椰皇（$49）Patrick Steamed Taro Pudding with Lollipop in Coconut Shell🌟食得出係椰皇布甸😋不過加左芋頭，好似溝淡咗椰子本身嘅清甜青芥末魚柳包（$69）Vegetarian Fish Fillet Burger with Wasabi🕵唔知呢個青芥末魚柳包🐟🍔係唔

Date: 3Nov朋友介紹說這是Spongebob 點心推出的第一天，就一起來試試！點心基本上都很好吃，打破了我一直覺得「好睇唔好食」這個憂慮。↑類似雞蛋皮和腸粉皮的卷，黑松露和菇味很香（終於可以食菇喇😭）↑像腸粉皮的外表裡面包著炸春卷，上菜時還是脆的，非常好！↑馬拉糕有3層，吃起來有點像熱香餅的質地，好食！（個人覺得這是「最spongebob」的食品，黃色的軟綿綿的正方形，根本就是spongbob! ）↑流心奶黃包很流心，只是包吃起來有點像白糖糕的味道，個人不太好↑另外還有流心紫芋餡！↑西多士上面的icing cookie 朋友說不是很甜，只是跟menu 不太相似。切開的多士流心應該是奶黃吧？加了蜜糖和旁邊的菠蘿一起吃，其實不太吃得出來。↑菜餃餡料很滿！↑叉燒腸粉的皮夠薄↑花枝丸很好吃，外面的杏仁片夠脆夠香口，花枝丸夠彈牙（不過眼睛好硬，沒有吃喇）↑流心奶黃菠蘿包（就是上菜的時候才醒覺我們真的點了好多奶黃的菜式😬）菠蘿包的皮也很脆！↑蟲草菌蒸雞飯：飯身偏硬，雖然有荷葉托底但香味不突出，整體只算一般總的來說，還是點心比較吸引

位於中環的點心代表，是一間主打公仔主題點心的專門店。最近餐廳又有新主題推出，是港人大愛的海綿寶寶呢。作為吃貨，要即刻來嚐嚐吧。奶黃流沙包$49一客兩件的蒸急，印上派大星和海綿寶寶的樣子，忍不住要自拍一下呢。我最喜歡吃奶黃包，麵包更是流沙餡，味道令人期待。撕開麵包，奶黃溢出，香濃帶甜，惟麵包略靭。好友春風腸$49經過十五分鐘的拍照時間，點心基乎已全部變涼呢，哈哈。唯一還熱的點心，是這件好友春風腸。把腸粉的皮包著炸得香脆的素春卷，煙靭中帶有薄脆感，好特別呢。黑松露雜菌蒸包$49很喜歡吃黑松露，一大件的松露蒸包，獨自吃表示好滿足呢。未打開已傳出濃濃的松露香，內裡有多種雜菌，滑嫩彈牙，好吃呢。蜂蜜奶黃西多士$59最喜歡吃麵包類的東西，看到有邪惡西多士，當然要試試啦。西多土上放上一大片糖霜海綿寶寶曲奇，香脆可口，不甜不膩，個人很喜歡，不斷吃阿吃阿。西多士以三片面包組成，夾著奶黃餡去炸，熱食的話較好呢。牛油蛋撻$49最多士外，蛋撻也是我另一最愛呢。一客兩件的蛋撻，大大一個，放上美味的糖霜曲奇，更加可愛。蛋撻皮結實脆硬，不易鬆散，值得一讚，蛋黃稠密滑溜，像啫喱一樣，也好吃呢。鮮芒果布甸$49草莓啫哩

Dim Sum Icon每隔一段時間都會同唔同品牌同公仔合作，而今期就同深受大人細路歡迎既Spongebob crossover，推出一系列超超超得意既素食點心，絕對係睇得又食得！而家等我重點介紹其中幾款點心啦！1. 流心奶黃西多士：呢個西多士絕對係重點推介！除左個樣得意之外，呢個西多士係真·流心😍 一切開就有金黃色既奶黃流出黎，見到都精神哂😍2. 蛋撻：正常蛋撻味，但如果變成酥皮會更好😝 （希望唔好掀起酥皮vs牛油皮大戰😂)3. 素食漢堡：雖然我唔係素食者，但都幾中意食呢個素漢堡。塊漢堡既質感同味道都整得好似真牛肉漢堡咁，加埋芝士同蕃茄都好惹味啊👍🏻4. 素蝦餃：本人一向都好中意食蝦餃，而呢個素蝦餃皮薄餡靚，亦比平時啲蝦餃健康，好好味👍🏻5. 千層馬拉糕：好香奶皇味既一個千層糕，質感頗鬆軟，比想像中好食👌🏻6. 奶黃流沙包：同個西多士一樣，呢個流沙包都有超勁流心效果，可以攞定電話影boomerang啊！7. 紫芋包：我本身已經not a big fan of taro, 所以呢個紫芋包就成為我朋友既任務喇。佢話太甜但個樣咁得意就原諒佢啦😂總括而言，今次一系列spongebob點心除左

米菲兔 🐰 萬聖夜（本年第300篇香港食評）西方鬼節的溯源自蘇格蘭,香港的鬼節溯源自中環蘭桂坊，俗稱「爛鬼慌」。11月1日是冬天開始日子，17:00時，仍是下午茶時段，黑幕漸竄出來，夜神開始反敗為勝。傳說👿魔鬼與死者💀會在前夕還陽即今晚，如不「扮鬼」，必有大禍。此店是位於港鐵站往蘭桂坊的必經之路，是「鬼門關」所在。食店繼早前推出little twin stars,蠟筆小新、Emoji造型的點心後，這間點心店在本年七月十四日（七月十四好邪）又換了新卡通人物－🐰Miffy兔！聚「精」會「神」。精靈是邪魔的食物，天神是妖怪的「死對頭」，因此大禍（鑊）將會臨頭。它的「頭」會成為衆矢之的。🐰米菲兔，也譯為小兔米菲，是個著名的卡通精靈，由荷蘭插畫家迪克·布魯納創作。名稱來自於荷蘭文中白小兔子🐇的發音。 🐇白小兔子在西方文化，象徵生育，生命，復活，因此，和象徵死亡☠的鬼魅對立。最近米菲團隊換了班，「龜兔賽跑」，「朱古力便便流沙包」，笑哈哈系列，「豬籠入水流沙包」等被撒走，Miffy的好友梅兒Melanie亦少有出現。加上，此店位於斜道旁，殺氣大，又是地牢，陰氣重，幽靈乘機現身。約20種米菲家族點心，

點心代表不同時期會推出不同的卡通主題去吸引顧客幫襯。今期輪到Miffy🐰喇，一於決定約朋友黎個開心❤晚餐。一到步，有隻亮燈🐰Miffy在門口歡迎我們呢！中環區晚上食肆一般都唔人多，如我所料，無須訂位，馬上入座。✌我地好細心看memu，好快揀完，落單後！就是等食中。。。。。第一樣上菜就是 🐰晚安鮮蝦腸粉🐰蒸得非常夠熱，賣相極之可愛。蝦仁算大隻，但味道偏淡，要沾豉油吃，才覺得美味，造型加品質，是合格之上。我叫了玫瑰普洱茶，味道OK，但水就明顯不夠滾。朋友怕飲茶後睡不著覺，所以叫了一杯凍橙汁，味道也不錯呢！第二樣上菜就是 🐰米菲海鮮燴飯🐰海鮮材料有蝦，魚肉，翠玉瓜，蟹柳，甘笋等。白飯就做成米菲外型，味道正常，不過不失。第三樣黎就係 🐰米菲蛋白撻🐰這個味道唔錯，甜度適中，用蛋白來做，感覺較為健康。👍最後一樣，新鮮蒸起，就係 菠菜麵雞扎。這款點心在其他食肆沒有見過，我估計是這裡獨有的設計出品，用菠菜麵包住雞肉，魚肚，蟹柳。這點心非常有創意，配搭起來也很美味。個人感想 : 我本身在中環上班，中午和同事都食過好幾間酒樓，發現無卡通的點心和有卡通的點心，價錢都是差不多。既然如此，下次約同事飲茶，而這裡

當帶住小朋友但好想去飲茶嘅時候，個頭就會好痕！因為飲茶對小朋友嚟講係一場災難性嘅午餐， 第一個小朋友會覺得好悶繼而容易發脾氣!第二好難坐定定去食嘢所以我今次好醒目揀咗一間小朋友食得開心，大人可以好好嘆茶嘅地方"點心代表"門口已經有Miffy兔兔坐陣!小朋友見到都已經好開心入到去見到個Manu仲癲，因為好多點心都有Miffy個樣！而我又好想食腸粉嘅關係，所以我就叫咗Miffy兔好瞓覺腸粉，食落又唔錯個皮整得都算滑再叫埋個金魚炸雲吞同埋兔仔西多，呢兩樣都好好食，重點小朋友都同我一齊開心食一啲都唔悶就係咁我又過咗個開心晏晝

Waiter的服務極差咯，💩💩💩一副愛吃不吃隨便妳們要不要走的態度。很過分。食物也非常非常一般，而且也不精緻，感覺就是廚房的人隨隨便便把東西扔到了盤子上然後就端出來了，完全不值價格。下次不會再來了

點心代表成日同唔同卡通人物crossover今次到好可愛嘅miffy 忍唔住終於要去試佢成間餐廳嘅裝修都有好多miffy擺設連筷子托都好細心咁整成紅蘿蔔形狀一入到去已經少女心爆發係佢張餐墊上面或miffy然後upload就可以換禮物喇禮物就係呢支糖佢而家仲有三款夏日飲品用好Hit嘅獨角獸或者紅鶴水泡仔裝住飲完仲有得拎走隻水泡添呢度嘅流沙包最出名我哋唔執輸嗌晒完美同埋朱古力味試熱辣辣個包又軟熟 真係好好味個蝦餃上面都有人物圖案好精緻皮薄餡靚唔錯個海鮮燴飯出奇地好食我睇佢望落好似細細個 但係都幾夠食仲嗌咗呢個春風得意腸係腸粉入面包住春卷 第一次食呢啲腸粉本身以為春卷已經會比腸粉包到林左但係仲係好趣好好味最後帶咗個芒果糯米飯做甜品但係芒果糯米飯就唔推介飯太多椰汁太少芒果亦唔夠

同事約食lunch，去到先知原來係一間miffy主題嘅點心舖頭，呢種crossover真係第一次見。傾開先知呢間舖頭會不定期轉變餐廳主題（例如幾個月前仲做緊蠟筆小新），舖面裝飾、食物、飲品、贈品等等全部都會跟主題變，認真有心思。食物方面，大部份點心都會用「印水紙」將miffy圖案印落食物上面，或者加上得意眼珠做裝飾。蒸煮點心，例如蝦餃、腸粉、燒賣，同酒樓比較嘅話屬於中上質素，無驚喜但叫做唔會得個樣。兩份炸點相對較為出色，尖椒味融入到煎釀嘅材料入面，唔會椒還椒，料還料；炸蝦做到婚宴蟹鉗嘅質素，性價比高。同事們另外試左椰皇、椰汁糕，椰皇唔差嘅，不過棷汁糕唔夠結實，影響左個口感，加上miffy圖案有瑕疵，叫做有少少美中不足。食到捧住個肚走，每人都係170蚊，喺中環飲茶嚟講叫做公價，但係話晒叫做有卡通人物主題，都無markup太多，絕對可以返啅。其他食物：

中環大概是成年人喜愛選擇聚會的的地區，我也是第一次特意帶王子來中環飲茶。本着相機吃先的心態來到這裏，對食物沒有太大期望，但這次實在有意外驚喜。看着色彩繽紛的餐牌，實在感到萬分興奮，今次決定來個開心午餐。動物系列：龜兔賽跑四件＄49，蝦你眼凸炸雲吞四件＄39，豬籠入水流沙包兩件＄49，宇宙蝦王三件＄59。笑哈哈系列：是日心情蝦餃三件＄45，正呀喂燒賣三件＄45，食上癮蛋撻三件＄39，朱古力炸便便饅頭兩件＄35，屎朱古力流沙包兩件＄45。首先來個龜兔賽跑，烏龜其實是迷你菠蘿包，脆卜卜的表面和軟熟的麵包；至於白兔是軟林林甜蜜蜜的棉花糖。第二款的是蝦你眼凸炸雲吞，名副其實炸雲吞內𥚃有蝦，脆卜卜的雲吞皮，配合爽口的蝦肉，還有朱古力豆眼凸。第三款的是豬籠入水流沙包，非常可愛的豬豬，鬆軟好味的麵包，熱辣辣流心的奶黃，吸睛指數爆曬燈。第四款的是宇宙蝦王，脆卜卜的酥皮，配合爽口的蝦肉，還有朱古力豆做眼睛，非常可愛。第五款的是熱帶雨林菠蘿飯，用菠蘿粒肉鬆炒飯，用原隻菠蘿裝上做裝飾，再有可愛啄木鳥頭，又好味又好玩。除了動物系列之外，還有笑哈哈系列。第一款有是日心情蝦餃有爽口蝦肉，彈牙餃皮，一邊吃一邊扮表情；