滿江紅 (已結業)

經朋友介紹去左依間滿江紅，食左一次依間好正嘅麻辣野就返唔到轉頭。我再另外帶左幾個鍾意食辣嘅朋友去，佢地都大讚，服務又好！好辣嘅朋友一定要去試試！滿江紅嘅所有菜式都可以揀辣度，大中小辣，唔夠嘅甚至可以大辣再加辣！我鐘情滿江紅因爲餸菜有鑊氣，夠香夠麻，唔會一味得個辣字整痛條脷！所有食過嘅菜式都好想推介：1. 水煮魚！桂花魚又大又滑！2. 辣子田雞！餸啤酒一流！3. 燉湯滋潤又解辣！天麻燉魚頭，茶樹菇燉雞！就連唔辣嘅餸味道都一流，炒豆土絲必食！四月做緊優惠，惠顧會俾$100現金卷，而且可以一次過用好多張，希望之後都會再派優惠卷啦！