滿江紅 (已結業)

尖沙咀滿江紅不嬲都係我嘅至愛通常都晚上才幫襯，今日中午有空閒時間就有時間嘆一嘆佢嘅午餐！食辣野一定要慢慢食如果太趕快根本都享受唔到。一個人都食咗個半鐘，今日點左$98嘅水煮桂花魚套餐（包括一個白飯，一盤桂花魚，前菜及飲品）其實都好多但係我又想食川味涼粉$38 （佢嘅涼粉食過咁多間粉條很滑不會容易斷開，是最好食的）每次幫襯都會叫！依盆桂花魚當然沒有平時正價的一大盤但係中午來說已經很夠飽，桂花魚有很多片，裏面亦都有青瓜薯麵和朱紅及大豆芽😋下次中午經過會再次選擇它😃

其實本人唔係好食辣，不過男朋友話佢之前成日同家姐黎食覺得好好食，咁就一於試下啦。平時呢間店都唔係好起眼，門口好細，不過係要上樓上食既，入到去都幾好服務，環境坐得都舒服，我地坐兩人枱張枱都算大，都幾闊落，不過聽講呢間野轉過手，不過都係保持到水準既，我地兩個人淨係叫左兩碟野：水煮桂花魚+蒜蓉炒皇帝菜，另外再叫多兩碗白飯，仲有兩款小食係前菜。其實兩個人食已經好飽，因為個盆水煮桂花魚超大盆，裡面除左有魚之外仲有寬薯粉、荀、青瓜、豬紅同牙菜，幾欣賞佢個寬薯粉唔似出面食咁，特別厚身同本身有鹹鹹地既味，我覺得完全拍得住大陸食既水煮魚。另外，我都係第一次食炒皇帝菜，平時打邊爐食就食得多啦，味道都唔錯。

四川豆乾 – 質感軟滑好似實佐既豆腐, 唔點辣椒粉食就咁少少煙燻味幾好麻辣牛展 – 好食但好辣!辣子雞 – 辣到跳舞!!!!胡椒蝦 – 新鮮海中蝦, 好香胡椒味酸菜魚 – 魚夠滑, 但我嫌個湯唔夠好味, 唔知係咪辣壞佐條脷試唔真香菇炒蒿筍 – 清清地好食招牌咕嚕肉 – 意外地發現佢個咕嚕肉整得好食過好多地方, 配料唔hea 有子薑,菠蘿,提子乾同一隻甜甜地既果乾青檸樹 – 辣子雞勁辣搞到差不多食唔到其他野, 呢杯野好似青檸雪芭咁refreshing, 可以解辣兩層高平晚唔太多客, 我地5個人仲俾佐間細房我地坐, 伙計非常好笑容又客氣

又係返學嘅時候，返學係尖沙咀，返學最好做啲乜，當然最好係約朋友食飯，尖沙咀你打地方要約朋友真係好容易，呢幾日appointment約到密密麻麻，好鬼死開心，有好多好耐冇見嘅朋友都一次過約出嚟，辣妹最愛食川菜，尖沙咀最老字號當然係食滿江紅，未坐低就已經諗到要食咩，前世同魚有仇，一定要叫水煮魚，炒萵筍，滿江紅嘅特色菜有胡椒蝦同燉湯，呢排有少少瞓得唔係太好，今日嘅燉湯係天麻魚頭湯，完全fit晒我嘅身勢，差啲唔記得叫嘢飲，竹庶矛根係我最愛，點可以唔叫。

辣辣辣😍終於有辣吃～被三希樓接管了的滿江紅，真心好吃了很多。辣味、麻味很足～其實最近吃川菜都想起滿江紅，只是懶懶還沒寫食評。今天跟好友二人撐枱腳。二人同行，點的菜不多，但味道非常好。水煮魚，夠辣夠麻夠嫰。萵筍也是炒得很青脆，下次可以再辣一點。辣子雞配酒一絕，只是略嫌料不夠，下次可否多點肉和腰果🥺🥺🥺整體還是滿滿的好吃，下次要吃川菜，必定再來。同場還有買一送一的生力清啤，滿足😍😍#希望下次能吃到朋友說很好吃的蟹

吃饭期间我们首先要了三碗米饭，中间又催促了多次，过了大约半小时还没有送来，再次催的时候因为我们都吃的七七八八了，就要服务员改成两碗米饭，最后送来了。买单的时候发现收据写了一共五碗米饭，我们就叫服务员来告诉她写多了，谁知道这个女服务员很不耐烦怪我们点了两次，语气很不好。我说：首先，我们等你拿个饭等了将近四十分钟，你们有空去记两次帐却没空把饭拿过来，现在我们指出来你态度还这样。结果她还态度很不好的说：“我没办法和你交流”，拿着单就走了。后来还继续过来和我们争执。作为一个服务员，基本的素质都没有，不光上菜效率低，账单写错，还一副老子就是大爷的态度，反过来指责客人，让我们这顿饭吃的很生气，以后绝对不会再来了。服务员潮汕口音，穿黑色领班服，四十多岁。

今日和朋友一起在滿江紅用餐，叫了三碗米飯遲遲未上，當時上的菜我們已經吃完了大半。後通知服務員，改為上兩份米飯，又等了很久，催了好幾次。最後在菜品將近用完時，兩份米飯才上。買單時，帳單上記了五碗米飯，我們和服務員說明情況，她雖同意幫我們把多下單的紀錄去掉，但卻斥責我們不該多次叫單。而事實是，我們每次都表明了是在催促上飯，並非重複下單。我們很冷靜地和服務員溝通，但該名服務員說：「我不和你們說了，和你們無法溝通。」滿江紅菜品尚佳，消費水平也不算低，不知為何會雇用這麼不專業的服務員，這名服務員嚴重影響了就餐體驗，香港眾多川菜館中，味道和價錢俱佳的比比皆是，希望大家謹慎選擇，免得到此處受氣。

三人聚餐，上菜速度和味道均正常。叫了三碗米饭之后大概20分钟没有上，反复催促服务员，后来改成两碗米饭才上来。结账时服务员重复计算，账单计算了五碗米饭，告知其实际只上两碗，服务员不仅不承认长时间不上米饭，反而试图告诉我们是由于我们反复点单，下单内容含混不清才导致账单记错。一开始拒绝改账单，后来又摆臭脸说“我无法和你们沟通，我和你们说不清楚”，态度奇差，丝毫不尊重客人。全程没有解决问题的态度，反而在把责任推给客人，指责客人，绝不会再来

中午約埋一班鍾意食辣嘅同事去呢度食午餐八個人叫咗六個午餐set加一份水煮魚同兩份紅油抄手個個同事都好滿足最開心係後來買單送咗300蚊現金券可以下次再約多啲同事嚟食

因為之前係呢度打邊爐，最後送左5張$100 cash voucher, 而4月30號就到期啦，當然唔好浪費食多餐！😛應該好多食客都係渣住呢啲cash voucher, 所以我就算卜左7:30，仲早左五分鐘到，都要大概等左半個鐘先安排到入座，不過門口位既姐姐都非常好，不停幫我地追枱，仲比埋佢個風扇我地吹怕我地係樓梯位等好熱🥰。一入座如常上左兩兜小菜先，右邊係雞軟骨，左邊係木耳。兩兜都好開胃好好味，食下食下唔覺意就好快食晒😛因為得兩個人食，而且諗住用晒啲cash voucher, 所以total叫左四個餸。首先上左香油萵筍絲。面頭上鋪左啲蒜蓉，撈埋萵筍絲食有少少辣辣地都唔錯，不過就無乜其他味道感覺有啲寡。第二道小菜係皮蛋豆腐，整道菜只能說⋯⋯乜都係無味。豆腐無乜豆味，而且調味醬少到無咁濟，諗住送皮蛋一齊食會味道強烈啲，點知連皮蛋都係淡淡地。我本人好中意食珊瑚蚌同桂花蚌😋所以見到有西蘭花都即刻話要食😝呢個就好好食啦！夠香，夠味，蚌亦煮得岩岩好，唔會太生或者太老，個獻汁亦唔會太杰！男朋友好中意食咕嚕肉所以都叫左一碟，呢碟都好好味。食到外皮係酥脆，肉唔會太un/太林，岩岩好咬口，亦唔會太多肥膏。

同同事一行五人收工齊齊去滿江紅打邊爐😛我地上左樓上2/F坐，有張中size枱都闊落坐得舒適。我地叫左一邊麻辣鍋，另一邊係酸菜魚鍋。一開始飲個酸菜魚湯時覺得頗酸，但食食下又開始覺得幾入味好好食🤪而且湯裡頭都有大量既魚！無骨，唔會好孩口，好食😛手切肥牛（大）$298，油脂較多，夠香，肉質鮮嫩夠滑。不過食太多都覺得有啲膩，最後係頂住頭皮每人食多幾塊先清得晒🥴佢個粟米（另叫，湯底唔包）超好食！！！超甜超鮮，平時嫌麻煩唔食粟米既我果晚都食左3舊！我而家已經好掛住佢😭。另外叫左鴨血，都好好食！唔會一夾就散，咬落仍然有口感在😛牛栢葉都好好食！😣係爽口架！但又唔會咬唔開，第二掛住佢😣食果陣朋友有3張$100 cash voucher, 食完可以即用，不限張數。覺得成餐飯黎講每人$200，食物好食，仲要食到好飽，性價比都算高！😋下次會黎試埋佢啲小菜😛

經朋友介紹去左依間滿江紅，食左一次依間好正嘅麻辣野就返唔到轉頭。我再另外帶左幾個鍾意食辣嘅朋友去，佢地都大讚，服務又好！好辣嘅朋友一定要去試試！滿江紅嘅所有菜式都可以揀辣度，大中小辣，唔夠嘅甚至可以大辣再加辣！我鐘情滿江紅因爲餸菜有鑊氣，夠香夠麻，唔會一味得個辣字整痛條脷！所有食過嘅菜式都好想推介：1. 水煮魚！桂花魚又大又滑！2. 辣子田雞！餸啤酒一流！3. 燉湯滋潤又解辣！天麻燉魚頭，茶樹菇燉雞！就連唔辣嘅餸味道都一流，炒豆土絲必食！四月做緊優惠，惠顧會俾$100現金卷，而且可以一次過用好多張，希望之後都會再派優惠卷啦！

今天我們工作到很夜！於是我們收工之後一齊去食飯！好彩又有提議的同事推介我們去食滿江紅！餐廳分為兩層當我們進店時第一層已經滿了我們走上2樓，他們的枱和坐位都很寬闊！ 我們點了他的酸菜魚和一些小食！他們的酸菜魚真的一流！不會太辣，而魚分量亦都很足夠！口水雞他的醬料亦都很香不會很辣！而他的炒萵筍亦都加了一些辣椒🌶️十分有鑊氣！ 而員工的服務態度亦都很好！很適合朋友們聊天慢慢吃的地方！在我們結帳時還給了我們$400的現金卷下次光顧可以使用！

夏日熱辣辣☀️ 濕氣重 最岩食辣野 再出身汗 今次黎到尖沙咀既滿江紅 辣一辣先位置係尖沙咀加連威老道, 近the one, 佢地要行上樓梯, 上面好似仲有一層環境餐廳裝修好中國, 感覺傳統古色古香仲有自助醬料區, 重口味岩哂兩碟前菜分別係涼拌木耳同麻辣豬軟骨木耳係完全唔辣, 用黎解辣一流麻辣豬軟骨先炸再加麻辣, 好開胃食物:麻辣涼粉👌本新以為涼粉會好似薯粉咁煙un, 但原來係食爽口唔算太辣, 青瓜絲好清新招牌口水雞依個汁堅好食, 辣油麻, 香, 鮮, 辣配上薄薄既菜, 點汁食, 好好味, 停唔到口口水雞肉嫩滑, 好入味青椒皮蛋👌唔辣的皮蛋, 解辣一流不過有點咸酸菜桂花魚大到其實可以四個人share, 份量超多 酸度同鹹度適中 魚肉鮮甜 連湯都可以飲埋 除酸菜外 仲有大量秀珍菇, 菇菇迷最愛炸饅頭炸饅頭脆卜卜皮, 熱辣辣心, 正啊火辣辣出身汗既一餐, 好爽啊

本身唔算太食得辣，咁啱上星期成班女仔食晚飯聚會，有人提議不如去辣一辣。 由於我哋驚辣死，所以呢一嚟到即刻叫咗個蜜瓜汁$168。最鍾意食蒜泥白肉嘅我，梗係都會叫一個蒜泥白肉啦，價錢唔貴先$58仲要啖啖肉上面啲蒜好香。都額外叫咗一個皮蛋豆腐，皮蛋豆腐$38不過呢就比較普通啦可以留肚食其他嘢。主角方面，我哋叫咗個酸菜魚係桂花魚嚟嘅$278，另外都叫咗個胡椒蝦 $180 6隻。酸菜魚同我哋平時大陸食嘅味唔係太相似，魚肉都好滑。胡椒蝦就相當之刺激啦，簡直衝擊味蕾。我一個人都食咗兩隻啊。