After 5 Wine Bar

营业中

休息中

因为依间系新界北区少有既清吧，以 Wine 做主题，仲有免费 american pool 打，所以经常系度留连。咁多年美食依旧，好过市区多间名餐厅，物超所值，但系服务态度同召乎依家真系麻麻，以前我真系对首批职员非常满意架，唉。。。烟三文鱼沙律，用黑醋捞混，甜甜酸酸好开胃，用三文鱼卷住食好夹。洋葱牛尾汤，香甜可口，但有时候会重手左，太咸。虎虾石斑柳配什菌忌帘汁，个汁劲好味，虎虾巨形爽口鲜味又多膏，石斑柳口感结实，表面比较咸，什菌好新鲜，正 ﹗我既至爱极上安格斯肉眼扒配烧汁，3 成熟刚好、表面香脆、里面微暖，肉汁丰盈、肉质嫰滑，HKD230，物超所极。系 Menu 度揾唔到架，要熟客先知道。啲咩 Dan Ryan's 呀、out back 呀、Mr. Steak 呀，收皮啦。