Bella Shine (已搬遷) 新店位置

去观塘食晚饭，听说系食和风洋食，即日式西餐。店内都几多人，有几枱一家大细，6至10人的食客都几多，又有几岁人仔走来走去。一坐底嗅到空间有点霉味，但我个鼻比一般人敏感，都系唔好出声打扰一齐食饭的朋友。餐牌的菜式都多海鲜，个名好似唔错，叫左凯撒沙律配鸡肉、烧带子意大利饭、黑松露野菌扁意粉，饮品叫了latte同白桃乳酸特饮。5样都无惊喜、麻麻地。沙律同扁意粉更是低于一般西餐厅水平。食沙律我通常都系汁另上，怕酱汁有辛辣料会敏感。今次的沙律起无酱之下原形毕露，菜好明显未沥干水，这是沙律大忌!菜的款式不多，主要是生菜，新鲜程度尚可，感觉有点颓，鸡肉是酱汁煮的不是煎鸡肉或烤鸡，稍稔。带子意大利饭同松露扁意粉的香味不突出，放入口前先闻到少少，其实香味同热度有关，整体都冻得快。味道平平，好flat, 即系只有一个味，咀嚼时无惊喜，唔会有令人好想再食多啖的好奇心。 意粉食到一半已有点干。饮品同食物都好普通，咁远来揾呢间舖有点失望。