名苑酒家 (已結業)

由于popwalk的社交平台game送左1份的 🌷枣皇糕，所以顺便去试试，原来名苑就位于我们平时常吃的日本料理店隔离😂 以饮茶来讲，算是中档位收费，茶位每位$9~$13，当日星期日，每位就$13。叫左普洱茶，茶浓又入口滑顺，都几好饮。得我和屋企人2个人去，不敢叫太多野食，只叫左2款点心（牛肉球、虫草花腐皮卷）、鲍鱼鸡粒炒饭和送的一款枣皇糕。🧡牛肉球肉质好嫩滑，几好食!🧡虫草花腐皮卷就味道清淡一些，有虫草花比较养生，入面包左红萝卜 、云耳 、西芹、猪肉 、椰菜。🧡枣皇糕食到有红枣味，但椰子味都够香，食落爽弹，比想像中好食😋🧡鲍鱼鸡粒炒饭真的有鲍鱼，而且系原粒包鱼仔!数了一下最少有7只鲍鱼😂，入面仲有蛋、冬菇 、翠肉瓜、元贝、鸡肉。唔会太油，啲饭粒粒分明好好味😋😋😋，呢碟系最贵，过百蚊一碟，不过感觉好真材实料👍🏻服务方面几好，好主动来加茶。