名苑酒家 (已結業)

晏就去飲茶 因為限聚令 六人要分兩枱坐 訂座時已同酒樓溝通清楚 但去到被安排一張係大堂最尾段同一張係房間入面角落既枱🤷🏻‍♀️同脂客溝通問可唔可以安排相鄰既兩張枱 明明面前就已經有連住兩張既枱 但佢都係堅持咁樣安排會好麻煩而say no😓😓😓唔想糾纏下都決定分開坐 到開茶明明佢開錯左茶 但侍應死話係一樣茶葉冇分別 最後都係唔肯換茶葉換過個茶壺上既牌就當換左☹️態度奇怪 完全貼錢買難受😞

由於有人送左佢份棗皇糕比我，上次同屋企人去食時，又無得一次過換晒2份，所以今次我就一個人去左嘆茶😋特登試下早茶，原來早茶都除了茶位$9平少少外，仲有孖寶可以選:指定點心選2份$38.8。我就選左鳳爪排骨飯和牛肉腸粉，一個人都可以平食又食得飽😊❤鳳爪排骨飯都可以，蒸飯粒粒分明又唔黏牙，排骨又好食唔會有雪味，鳳爪就梗係精髓啦❤。牛肉腸粉個餡其實同上次食的牛肉丸好似，味道食落差不多，但發現佢有多左翠玉瓜係入面。呢度埋單先$53（已包茶錢和加一服務費）加上上次我們食夠200蚊，天晉匯回贈左40蚊券比我們，我問收銀員用唔用得啲券，佢話可以，所以就用左一張20蚊券，最後就只係比左33蚊，上次一齊食的屋企人仲以為我食左一百蚊🤣

由於popwalk的社交平台game送左1份的 🌷棗皇糕，所以順便去試試，原來名苑就位於我們平時常吃的日本料理店隔離😂 以飲茶來講，算是中檔位收費，茶位每位$9~$13，當日星期日，每位就$13。叫左普洱茶，茶濃又入口滑順，都幾好飲。得我和屋企人2個人去，不敢叫太多野食，只叫左2款點心（牛肉球、蟲草花腐皮卷）、鮑魚雞粒炒飯和送的一款棗皇糕。🧡牛肉球肉質好嫩滑，幾好食!🧡蟲草花腐皮卷就味道清淡一些，有蟲草花比較養生，入面包左紅蘿蔔 、雲耳 、西芹、豬肉 、椰菜。🧡棗皇糕食到有紅棗味，但椰子味都夠香，食落爽彈，比想像中好食😋🧡鮑魚雞粒炒飯真的有鮑魚，而且係原粒包魚仔!數了一下最少有7隻鮑魚😂，入面仲有蛋、冬菇 、翠肉瓜、元貝、雞肉。唔會太油，啲飯粒粒分明好好味😋😋😋，呢碟係最貴，過百蚊一碟，不過感覺好真材實料👍🏻服務方面幾好，好主動來加茶。

去左名苑飲茶，叫左鮮蝦炸雲吞，外脆內軟，好鬆口，而且d蝦都好juicy,重有鮮味筍尖蝦餃，蝦好新鮮，皮薄，一咬落去，啖啖肉！黑金流沙奶黃包，內裏既流沙，濃濃既奶皇味，又係流心，而且個面包好鬆軟，又夠熱！原隻蝦球燒賣，大大粒，蝦球好爽，d肉又入味！整體上，係細心之作，值得推薦！

假日經過將軍澳popcorn看見這間名苑酒家， 打算入去飲飲茶吃点心。下午茶時段，不算太多人大約等了十五分鐘左右就安排枱了， 點心選擇都很多，亦有很多下午茶優惠孖寶，所有點心即叫即蒸， 熱辣辣上枱，最重要味道亦相當唔錯。這間酒家值得encore, 看見他們都有做平日點心優惠, 找日要再試一試。

假日和家人飲茶，今次選擇了名苑，因為位置便利。而且其他酒樓太多人，剛好名苑有空枱。髮菜蒸豬手很不錯，非常入味，豬手也紋到很淋。底下的花生也好吃。豆苗鮮蝦餃皮算薄，但味道普通。豆苗和蝦比例適中。千層椰汁糕媽咪喜愛的點心，但沒什麼椰汁味蘿蔔糕正常的味道，算煎得香口。蝦餃皮不薄，蝦有點梅，細隻馬拉糕原個的馬拉糕買少見少，這個不錯吃，非常鬆軟，而且新鮮熱辣，全餐最好味道的一道點心。整過不過不失，閒時無位可以一試。

名苑將軍澳分店是一家面積不大的酒家，感覺較精緻，因此我頗喜歡光顧。但服務員長期不足，經常沒有沖茶沖水己算小事，如果有野要追單就得麻煩，每位服務員都膚洐了事。今天發生的就是餸菜上了很久，每位待應、經理追二至三次，等了30分鐘才到幾個白飯。氣憤😡

同姥姥們👨🏻‍🦳👩🏻‍🦳食小菜就去咗將軍澳嘅名苑食四人套餐+乳豬。今次我就唔介紹哂啦🙈1️⃣手工寶塔肉呢果肉整得好靚靚，成個肥豬肉比較多，所以都較為油膩。🙆🏻‍♀️美味指數:5.52/102️⃣養生藜麥菌皇炒飯炒飯炒得好有鑊氣，而且唔會太油膩。配料有粟米丶蛋白丶翠玉瓜等，令口感昇華🙆🏻‍♀️美味指數:7.52/103️⃣脆香糯米釀雞翼雞翼好惹味，而且落咗少少辣粉🥳🙆🏻‍♀️美味指數:6.42/104️⃣金銀蒜皇帝貝蒸白玉玉貝大大粒，配上豆腐嘅口感幾特別🙆🏻‍♀️美味指數:7.01/105️⃣乳豬肥瘦均勻，而且啖啖肉🙆🏻‍♀️美味指數:7.51/10💡整體來講，性價比尚算可以，同姥姥們👨🏻‍🦳👩🏻‍🦳食下小菜就岩哂。

位置較偏僻，所以客量不多，無需等位。地方細，沒有洗手間，如要去便要行出茶樓外，這點略為不方便。點心種類尚算可以，但前段上菜是逐碟逐碟上，上菜慢，變相食下又停下食完一碟又再等5分鐘，節奏有點奇怪。而點心味道方面，很一般緊緊合格，沒有一道比較好吃，又不是話難食，建議如沒有味道賣相都不要那麼普通呀。可能人手短缺，服務員都做唔切，所以很多時叫加水都要叫兩三次先可以，埋單需時又要叫多幾次先埋到單。總括，很多舊式茶樓比這間還好，希望有待善。

周末飲茶是例行活動酒樓來說這間真係好細 一眼睇哂幸好星期六早上來到唔使等位直入值得一讚的係點心選擇多唔覺唔覺就叫了一抬都係點心🙈每樣蒸點都是熱辣辣蒸出 抵讚流沙包賣相就💯但食落就麻麻奶皇餡加了椰絲怪怪的 偏甜一點都唔香包亦不特別出色 有點失望馬拉糕亦是另一敗筆不夠鬆軟較乾身這個秋葵跟超市的秋葵乾沒有任何分別有點懷疑是否直接買返來賣😂沒有黑松露味但都不失為一件好食的上素粉果最好食最對辦莫過於這個薑汁糕薑味香濃 質感彈牙不過整體點心都是中下😕

由於星期日想食中菜，特登預早一天book位食飯，更訂了一份孖寶海虎斑1斤+燒雞$268.今天下午酒樓打來再確認book位及訂菜資料!到了晚上早了10鐘到達，在櫃檯個上等了5分鐘也沒人理會，於是自己行入去叫人出來!看好menu又係叫極都無人serve,等了10分鐘先有人行埋來!好了點好菜孖寶胡椒蝦煲響螺燉湯蒜蓉抄菜心之後又要等，點知佢地同我講訂的魚無哂，轉波士頓龍蝦伊麵，當時我非常嬲，但因屋企人生日不想大嘈及轉場，所以當時應承，及後馬上行到落單櫃檯理論，因為他們實在太過份，最後他們保持不更改!即是最後都有條虎斑一大條給我們!真的有感到騙人成份!不知是否嘈一輪，他們每上菜都等好耐，但其它枱就上得非常快!留意到一點，大部份食客都是熟客，有人serve,其中有2檯遲過我入來已食完走人!另一檯生客坐左入來10鐘無人serve巳走人!味道一般，燒雞同條魚可以，足一斤最後埋單$977$孖寶計298,她說因為星期六日又要收附加費好明顯只做熟客，生客免入!

假期同阿爸媽咪一齊去酒樓飲茶,媽咪話呢度坐得舒服,點心又好食,所以帶我嚟飲茶,呢度嘅位置幾好,行10分鐘就到地鐵站好方便,我地唔知係咪嚟得比較早,所以唔洗點樣等位就入到去,呢間酒樓比較細,但唔係好逼,坐得都幾舒服,我因為未食早餐,所以坐低無耐立即睇點心紙,呢度既點心有d都幾特別,所以我哋簡下簡下,都簡左咗5個點心,1個煎麵,落單冇耐,我哋揀嘅銀芽肉絲香煎麵首先來到,d麵煎到脆卜卜又唔油,咬落去"索索"聲,脆卜卜嘅麵撈一d芡汁,再加一d既醋一齊食,真係好開胃,鮮蝦菜苗水晶餃入面有好多菜苗同一粒粒嘅小蝦,皮薄餡多,咬落去好爽口,嫲嫲川味滑餃子有少少辣,但加埋啲葱同紅油一齊食好惹味,芝麻豆沙煎堆仔咬開見到好多豆沙蓉,真係啖啖都係豆沙,雖然咁多豆沙蓉,但一d都唔甜又唔油,味道啱啱好,原隻鮮蝦滑腸粉隻蝦真係好大粒,腸粉入面包住大蝦同翠玉瓜,再點豉油真係好好味,呢碟腸粉唔計煎麵,係我叫嘅點心最貴,但都好值得,七彩燕麥糕原來係一個凍食嘅點心,燕麥糕煙煙靭靭好有口感,整體來講,酒樓嘅環境同點心嘅質素都唔錯,下次想飲茶我都會嚟呢度!!

平日中午－向有食呢間, 點心很精美好吃, 所以晚上在這間名苑吃晚餐，叫了４個餸:-蟲草花百合煮菜苗, Ｄ菜苗竟然用唐生菜，雖則菜苗是泛指菜類, 但佢Ｄ唐生菜真的不是苗來的，用來咁煮，真係唔太夾囉-百里香雪花牛, 個味道難食到死, 完全浪費咗Ｄ牛, Ｄ牛真係好林, 但完全沒有牛肉味. -鐵板义燒有半碟肉都係有成半舊全肥的肥羔, 而不是平均的半肥瘦.-最尾果碟係豆腐海參煲, 味道不錯. -另叫了４碗白飯，硬而無飯味.4餸４飯+秋葵乾(—坐低就被硬食的)埋單$731.服務挺不錯, 職員很有善, 可惜食物真的太差.晚餐不會再去呢間!中午點心雖貴, 但味道相比好太多了!

放假，一太清早去將軍澳同親戚飲茶。呢一間茶樓離地鐵站唔算好遠，有商場連接，由地鐵站去到酒樓大約用咗10分鐘。去到嘅時候一定要等位，等左冇幾耐就入座。假日關係，全場爆滿。酒樓應該唔係開咗好耐，所以裝修仲係好新淨，都幾乾淨。叫咗成枱點心，有蘿蔔糕、叉燒包、燒賣等。點心質素中等，因為味道同一般酒樓既無分別，款式都無特別，價錢又唔算好抵食。菜餃晶瑩剔透，水晶皮好煙韌。最吸引我嘅莫過於係桂花椰汁糕，睇個款真係好吸引啊！中間白色嘅就係椰汁糕，上面同中間夾層就係桂花糕，但係食落去桂花味唔突出，唔夠清甜，椰汁糕又冇乜特別，唔夠香，整體來講麻麻地。

同家人食一餐晚飯喱間酒樓真係十分差！燒味併盤叉燒係大家樂質素，燉鷓鴣湯勁咸，一啲鮮味都沒有，碧翠海螺片勁咸，龍蝦都算新鮮，但無放尿有陣味，仲有手工糯米牛肉真係堅難食，香草同糯米一啲都唔夾！環境安排勁差，座位相當迫，真心唔明白點解擺位會將兩張12人枱放埋一齊，要櫈背貼櫈背咁樣座，仲要十分糟，中間明明還有大量空間，原全沒有顧及客人感受！！