NUTTEA (灣景廣場) (已結業)

Nuttea最近喺香港扩展得好快。早前喺金钟见到有商舖围左Nuttea嘅围板，可惜一直未有机会试。今日喺荃湾行紧百货公司咁啱见到Nuttea分店，即刻买一杯试一试。今次叫左一杯伯爵朱古力坚果奶盖茶。饮品由底到顶分别系茶底、碎坚果层同埋朱古力粉。伯爵茶底茶香茶味俱备，即使饮品中嘅冰块随时间溶化，依然能够品尝茶味。碎坚果层被打碎得非常幼细，口感上无法联想到原本系一粒粒嘅坚果。坚果层味道取代左奶盖，但又免却左奶盖嘅肥油腻感。饮用时用饮管将饮品搞匀，味道嘅层次感令人喜出望外。过去十年，香港茶饮店越开越多，已经开始有种千篇一律嘅感觉。Nuttea从口感、味道以至用料上进行创新突破，畀消费者有更多嘅选择，实在值得一赞。