摩豆 (已結業)

夜晚进修前途经太子, 闻到好香既鸡蛋仔味, 跟住味道就揾到黎呢间特色鸡蛋仔店。其实之前都系杂志睇过佢关于呢间食店既报导, 果阵已经好想试试呢个土凤梨口味既鸡蛋仔。但真系估唔到佢仲有甘多个新奇既口味可以选择, 最令人惊喜既系有粽味鸡蛋仔!下单后等左足足十五分钟, 先啰到的既土凤梨鸡蛋仔。鸡蛋仔颜色橙橙黄黄, 闻落去蛋味几香。咬入去每粒鸡蛋仔都算系饱满无空心情况出现。但我最期待的土凤梨馅料要比我想像中「缩水」很多, 而且味道比台湾火凤梨酥再要酸一啲。蛋浆其实好香, 而且同凤梨亦都好夹, 不过个份量比例, 同鸡蛋仔既硬度都未如理想。鸡蛋仔个袋并无透气窿窿,  包实哂岩岩出炉既鸡蛋仔。原本蛋浆既脆度都尚待改善, 而家仲耍整底鸡蛋仔都被湿气包围, 所以我只食到头几粒有微脆效果, 其他都系烟烟韧韧甘, 比较似中式蛋糕。