軒記布拉腸粉・美味粥

营业中

休息中

街坊落楼想买啲嘢食，发现咗新开粥店，自从前面间餐厅无粥卖之后次次都要去街市有点烦。高高兴兴叫咗粥、炒面同叉烧肠。唔系经外卖平台，亲身落去买，攞上楼打开一望⋯⋯吓亲⋯⋯除咗个粥正常啲之外，肠粉同炒面就好似食剩倒返落去咁。最薄𠮶只外卖盒都装唔满三分之一。平常嘅粥舖，炒面肠粉配料少啲系必然，无期望过，但至少装满个盒仔吖。谂唔到佢廿几三十蚊个炒面，咁都做得出⋯⋯𠮶间舖街坊都知系死位，如果大件夹抵食，系有可能起死回生，毕竟启丰园独市，但呢间嘢咁嘅表现⋯⋯贵店老板，希望你唔好一味谂赚到尽。咁嘅表现所有人至多买一次，我都唔想你咁快离场。呢个屋苑好多公公婆婆钟意食粥。