Casa Cucina

营业中

休息中

朋友生日，book咗呢间餐厅庆祝，见OpenRice啲相好似环境食物都几靓，好可惜嚟到之后有啲失望，空间有啲迫，嘢食卖相都普通，而且味道一般般，而埋单嘅价钱以呢一个饱足度同食物味道嚟讲都几贵下。牛面颊肉阔条面味道都系普通嘅牛肉意粉，落咗红椒，个椒味都有少少重，如果唔钟意食红椒味嘅慎选。啲面比较硬，平时我钟意食手工意粉，食拉面都钟意叫硬面，但呢个真系觉得有啲硬。和牛里脊比较好食既一道菜，叫左8oz medium，有牛味， 不过脂肪分布系一边一大旧，上菜唔系好热。饮品叫左两杯mocktail，味道正常但颜色吓人。Basque cheesecake冇写明味道，但我哋直落觉得系香茅芒果味，上层香茅下层芒果，质感同味道都唔系几得。不过生日只碟手字写得几靓。两个主食，两杯嘢饮，一件蛋糕，完全食唔饱，两人食埋单880，我就觉得份量同味道都完全唔值喇，唔系真系话超差好难食，但收得呢个价钱应该要好味啲，唔知点解OpenRice咁多好评，完全失望。