漁匠屋

营业中

休息中

我同朋友一直留意左呢间铺头好耐，今日难得出屯门，终于可以一试呢度既鱼生饭！有好多款鱼生饭可以选择👅每人都有一份前菜！店员叫我地先食芝士后饮汤，汤比较清淡，芝士都唔错。2号鱼生丼包括几片鲜鱼，赤海老，海胆同吞拿鱼蓉。其实我系为咗食海胆先嗌呢个餐，海胆冇令我失望，都几鲜甜。而其他食材尚算新鲜，但味道好普通，完全冇惊喜，冇好食既感觉。7号丼包括帆立贝，三文鱼籽同松叶蟹肉。帆立贝好肥美，表面轻轻烧过，几香口，不过食多两啖已经觉得好腻。蟹肉冇乜特别，三文鱼籽份量都几多，值得一赞。整体黎讲，两个丼卖相打卡好靓，但味道非常普通，唔觉得特别新鲜/好食。同平时食开嘅鱼生丼相比，会有其他更平更好食既选择。埋单四百几，食一次就够了。