比利餐廳 (已結業)

放学之后就同朋友去到西九龙中心行街， 其实我好憎呢个商场，因为喺旧年即系2018年就喺呢度发生咗一啲我好唔喜欢嘅事，所以如果免得过的话，我都唔会嚟不过朋友话买衫我先至陪佢。 买完衫之后我哋就嚟咗呢度食饭。呢间比利餐厅其实我谂都算系茶餐厅之类，因为实在就唔系一间西餐厅，亦唔算系食晚饭小菜𠮶一种。 坐低之后，我就叫咗一个柠檬茶多甜嚟饮，叫佐多甜，我觉得都系唔够甜，柠檬都唔够酸，茶味又唔系好够。 瑶池香妃鸡，呢个瑶池香妃鸡系配一碗白饭，我唔系好知道瑶池香妃鸡，同海南鸡、同白切鸡、同贵妃鸡有乜嘢关系，又有乜嘢唔同，因为食起上嚟我觉得啲味道都系差唔多，呢只鸡都几多肉，唔系好多骨，鸡肉唔算系嫩滑𠮶种，但系食起上嚟都唔算鞋口，可以话味道系啰普通通，老实讲我比较like食𠮶啲葱油。