蘇媽.蘇媽馬來西亞茶餐室 (已結業)

讲真食过几间马来西亚茶室, 始终系苏妈既味道最到位。由得深水埗一间店既时候就开始食, 到而家都仲系KEEP到水准, 任添既肉骨茶系当时吸引我第一次帮衬既原因🤣肉骨茶猪脚弯 $68店员见你饮到差唔多, 就会主动添加好贴心。肉骨茶药材味香浓, 甜甜甘甘既味道饮左落去好舒服, 暖粒粒! 猪脚弯胶质丰富, 点埋佢地特调既酱油, 辣椒同蒜,  美味度即时提升! 高佬面配鸡扒$68大赞哩个鸡扒,  好耐都冇食过咁皮脆肉嫩又厚又JUICY既鸡扒, 鸡皮咬落去系咔嚓一声个种, 好有炭烧个种感觉。面拌匀左酱油, 香浓而不会过咸, 面身弹牙冇过腍, 加埋银鱼, 花生同辣酱,  特别得黎又好夹好好味。椰香咖央多士$38哩款名物无需多讲. 数一数二好食既咖央多。又脆又香甜. 每次黎必点。美禄暴龙 $42系美禄恐龙既进化版, 美禄波波再加特浓美禄, 正~桔仔话梅水 $26 就酸酸甜甜好醒胃又解渴。