棟篤食 (已結業)

是日约左朋友到铜锣湾一齐食中午，本来打算食Curries Inc，点知去到发现无开所以就去左对面既栋笃食啦。入面既装修其实几好睇。朋友既肥牛捞拉面($36)我地交换左彼此既食物试下味，Um...肥牛颇韧，同埋D拉面味道偏淡。我叫既串烧三拼饭(鸡肉、龙虾丸、猪颈肉)($49)鸡肉OK，龙虾丸外皮韧左D，猪颈肉基本上系咬唔开既⋯至于菜，我觉得可以再煮熟少少。其实重有叫个明虾卷($15)share食，但唔记得影低。明虾卷一碟有两件，个外皮系脆既，同埋味道系OK，但无乜虾味。总的来说，依间铺既装修其实几好，但味道真系要改善下，否则只怕被附近众多食店比下去。