Hotshot (已結業)

夏天嘅Weekend嚟浅水湾要预左人多，12点几嚟到好彩唔洗等太耐。the pulse啲西餐好似间间都差唔多样、食差唔多野，classified呀the coffee academics𠮶啲周围都有，就拣间未见过架啦。价钱都系咁上下，食物只系最普通嘅野，揾样特别啲嘅都冇。呢个藜麦沙律，净系得啲greens，加两条萝卜同几旧橙，得个酸字，我估系落柠檬汁？总之好寡好冇层次，明明藜麦沙律可以好好食，好彩唔系第一次食藜麦，如果唔系会俾呢个沙律吓怕。味道最正常系呢个，但只系暖暖地，唔系即炸。个bagel好细个，包好靭，熏牛肉系黑色一片片肉干咁，又冇乜汁，鞋烚烚干争争，都几难食。埋单四旧水，以地区、装修嚟讲系合理价钱，但食物咁嘅质素，好难有翻头客。