影片
更多
2022-06-05
145 浏览
睇到网上新闻介绍呢间将军澳新餐厅，出于好奇心试下。坐低见到menu 得𠮶几款菜式已经想走，不过见佢试业中，咁就算啦。叫咗几样嘢，以下系感想同评价：1）明太子卡邦尼乌冬（$128）：儿童餐嘅份量可能仲多过佢！味道普通，似奶油忌廉汤乌冬仲多过卡邦尼，又水汪汪，一啲都唔卡邦尼，好失望。明太子酱系牙膏状，一睇就知佢系即食枝装明太子酱，连捞都唔帮你捞埋。2）照烧汁鹅肝锅饭（$168）：饭好硬，只系得一块仔鹅肝，唔够捞，如果加只温泉蛋或者蒜片会好啲。见到其他食评有好大块苹果同好多葱，点解我呢个咁无诚意？3）盐烧和牛舌（$72）：味道ok，油葱汁还可。4）盐烧和牛横隔膜（$168）：落单嘅时候仲谂住会唔会叫得太多，原来嚟到只有6-7块细细块牛肉，牛味都叫做浓郁嘅，个汁酸酸地，配块牛同菜，都算清新。5）黑椒汁炸鸡配熏腌白萝卜他他酱（$88）：表面炸到好干不过里面有肉汁，但系！佢极咸！个酱有啲嘢古怪胶味，最后食咗一半放弃咗一半……服务：明明个餐厅坐唔够3成满，但啲侍应唔知点解，未食完都嚟问你收唔收得……全程都系咁，劲赶客……结论：No next time
坐低见到menu 得𠮶几款菜式已经想走，不过见佢试业中，咁就算啦。
叫咗几样嘢，以下系感想同评价：
1）明太子卡邦尼乌冬（$128）：儿童餐嘅份量可能仲多过佢！味道普通，似奶油忌廉汤乌冬仲多过卡邦尼，又水汪汪，一啲都唔卡邦尼，好失望。明太子酱系牙膏状，一睇就知佢系即食枝装明太子酱，连捞都唔帮你捞埋。
2）照烧汁鹅肝锅饭（$168）：饭好硬，只系得一块仔鹅肝，唔够捞，如果加只温泉蛋或者蒜片会好啲。见到其他食评有好大块苹果同好多葱，点解我呢个咁无诚意？
3）盐烧和牛舌（$72）：味道ok，油葱汁还可。
4）盐烧和牛横隔膜（$168）：落单嘅时候仲谂住会唔会叫得太多，原来嚟到只有6-7块细细块牛肉，牛味都叫做浓郁嘅，个汁酸酸地，配块牛同菜，都算清新。
5）黑椒汁炸鸡配熏腌白萝卜他他酱（$88）：表面炸到好干不过里面有肉汁，但系！佢极咸！个酱有啲嘢古怪胶味，最后食咗一半放弃咗一半……
服务：明明个餐厅坐唔够3成满，但啲侍应唔知点解，未食完都嚟问你收唔收得……全程都系咁，劲赶客……
结论：No next time
张贴
