波羅密素食 (已搬遷) 新店位置

店舖位置指示唔清晰，我地几个上去既时候都分别入错左 SaSa，应该改善一下 signage。斋拼盘：拼盘只得指定两款斋，味道麻麻，食剩好多。碧绿珊瑚：露笋又细条又老，上面既鲜奶蛋白 “一pat pat”又无味，好难食。莲藕素鸭煲：主要食到鼓油味, 真系麻麻。金针云耳冬茹烤面：同莲藕素鸭煲既调味好似，只是材料唔同左。日式芥末沙拉骨：芥末味太少，沙拉骨中间有一支甘蔗，感觉似食泰式虾饼甘。沙嗲什锦串烧：最好食既菜，款色和味道各有特色，唔好似其他几个菜甘相似既煮法和味道。甜品：红豆糕和南瓜糕是饭后送既甜品，味道清甜，南瓜糕有一粒粒既南瓜系里面，味道几好。我地额外点左桂花糕和汤圆，桂花糕清香爽滑，汤圆既糖水就太过甜。食物虽然大碟，但味道一般，而店员服务几亲切。