一碗小麵

营业中

休息中

一向都知西营盘高街一带好多好野食，今日因为工作缘故经开附近，当然要黎呢头食个late lunch经过见呢间餐厅个名几吸引，又系我中意嘅川菜，所以就二话不说入去食啦中意酸辣食物嘅我，见到有酸菜鱼面觉得好开心，因为平时酸菜鱼通常要一大锅叫，一个人好难食到，难得呢道令我一个人都可以食到，当然要叫另外叫咗口水鸡同一碟叫‘麻麻地蚬’ 嘅野，希望个味唔系麻麻地啦首先上嘅系麻麻地蚬，原来系麻辣味嘅凉拌蚬～蚬嘅味道鲜甜，麻辣味恰到好处，麻味十足而且唔会太辣，仲有少少麻油味，好香好好食啊一食第一只，就会好似上瘾咁食到好难停口，因为实在太正，我几分钟已经食晒碟野啦之后嘅口水鸡同样系水准之作，少少辣多多麻，好岩我口味至于酸菜鱼面嘅味道都好正宗，鱼片煮得嫩滑无腥味，又唔会太多骨，而幼身白面线充分挂到又酸又开胃嘅汤底，我三爬两拨就食完，好饱好满足！响附近住/返工嘅人绝对值得一试！