阿叔泰麵 (金殿臺漢宮閣)

营业中

休息中

太古城新开嘅泰式店，叫咗最多人叫嘅阿叔牛肉船面，上枱汤底非常浓郁，船面有牛腩，炸猪皮及肉丸，味道非常正宗，份量够大份，另外配料可以加糖加醋，咁样食法味道更有层次。猪手饭配鸡蛋，外皮筷子一夹就可以散开，个卤水底有少少药材香，肉味道越食越吸引，送饭一流，如果有埋啲酸菜就更加好。飞天通菜，有啲炸椰丝在面，口感特别香脆，通菜炒得爽脆。最后叫了椰汁西米糕，底层有西米，粟米及香芋，味道清甜，椰香十足，充满泰式风味。另外饮咗两杯梳打青柠特饮，埋单三百零蚊，可以食到正宗泰式嘅味道。