雲香園小鍋米線

营业中

休息中

出咗尖沙咀做嘢，中午搞掂咗之后就谂住食个午餐。唔算好肚饿咁就所以过嚟食碗米线，一入到嚟净系得我一个人。心里面都惊有啲伏，但系都过到嚟就俾个机会自己试吓啦。虽然叫咗个麻辣米线，但系佢都有少少酸酸辣辣嘅感觉。腩片份量，我觉得系可以接受嘅，但系个猪软骨同牛腩就偏少，如果佢喺菜单上面写猪软骨粒或者牛腩粒粒，咁我有个心理准备或者会好过啲。味道唔差，牛腩都炆得够腍。反而几钟意佢个米线，面条质地都几腍滑。如果再有机会嚟食，会试吓佢啲小食。另外食嘢嘅时候建议唔好坐咁近墙边，千祈唔好问点解自己去感受吓就知咩事。