南苑海鮮酒家

营业中

休息中

前排听老公讲附近有间海鲜酒家，人潮好多，望落唔错，就谂住等得闲去试吓。好彩我哋早到，仲有位坐。因为第一次嚟，就八卦望吓附近啲客食咗啲乜。我哋见到隔离枱呢碟龙虾伊面，啲龙虾好大只，价钱又公道，就叫咗个试吓。啲虾肉好鲜甜爽口，伊面又煮得好腍，配埋芝士嘅香味，真系好夹！仲有叉烧外皮好脆，肥瘦适中，点埋佢特制嘅汁食，味道仲正！至于鱼，我哋叫咗油浸鱼，同龙虾一样好大条，鱼皮食落有阵淡淡嘅油香，而鱼肉就比较嫩滑，完全冇腥味，好鲜甜！咕噜肉嘅味道就比较浓，但系加咗菠萝又中和返，唔会太甜或太酸，仲好开胃，食到停唔到口！我同老公最钟意就系佢哋嘅招牌第一炒，色香味俱全，未食已经流晒口水！！！好多种材料一齐炒，味道同口感都好丰富。最紧要系啲材料好新鲜。我同老公都好满意呢度嘅食物，下次嚟一定试埋其他嘢食。