八囍牛雜粉麵

营业中

休息中

颂安邨街市自从几年前装修过之后呢，就有几间熟食餐厅进驻左。比较常帮衬嘅，就系跟八囍牛杂粉面。今日有Ｄ肚饿，所以过嚟食碗粉先返屋企。依度虽然地方细细，但牛腩牛杂同一般的潮式丸类饺类粉面饭都有，而且价钱实恵。今日叫咗牛杂墨丸米，佢哋嘅粉面上面的青比较有诚意，除咗莞茜葱，仲有炸蒜头，味好香，配埋混合腩汁嘅汤底，就好有鲜香味，好唔错。米粉就渌得比较硬，挺身左少少。牛杂份量唔少，炆得好入味，牛肚炆得稔但仍然有咬口，牛膀好粉嫩唔会好腥，牛肺都系好嫩滑。牛肠就最正，俾得好多，稔滑弹牙又入味，带少少油香但唔会太肥，唔错唔错。墨鱼丸都ＯＫ，食得出有墨鱼粒入面唔会成旧粉咁。当然呢，其实佢哋啲牛腩都唔错，一开头好好，不过后来水准有少少飘忽，有时太稔或者太柴，太肥太瘦咁，有D要睇彩数啦。粉面加嘢饮冻热都系加$5，算系比较抵。今日就叫左杯冻柠水，几大杯。而于环境呢，呢度虽然系街市入面，但其实都OK，几企理冇异味嘅，就算系你坐喺度食都唔系话污糟。不过有时呢都几多人，要排队，咁就会坐得比较迫，但大家都系食完就好快走唔会太介意。