菜根有味 (已結業)

「菜根有味」望入去都几舒服，但系坐落其实麻麻地，最惨就系佢o既装修同佢所卖o既食物一D 都唔夹，有少少不伦不类o既感觉。　　叫o左好几个小菜，份量都几细，绝唔适合三五知己一齐去，而且食物缺乏味道，我敢肯定一定无落到味精！「柠汁鸡翼」简直系不济菜式中o既表表者，几只炸过的鸡翼，活像椒盐鸡翼，但食落只有淡淡的柠檬味，明显系炸完鸡翼后滴上几滴柠檬汁，马虎了事……　　「大富豪炒饭」同样系用一D 无味o既海鲜炒无味o既饭，上碟白雪雪，食欲全消……　　唯一可以入口的是「盐酥虾」，总算似返D 样，但o系果度已经叫好好食……悲！