影片
更多
2021-09-12
296 浏览
星期日去咗铜锣湾行街，我同朋友都想食面，就醒起希云街有间「富山面家」。当年佢同❤️蜡笔小新Crossover嘅时候我帮衬过，但味道就冇乜特别。不过见事隔多年，就俾多次机会佢啦。由于我哋成三点先食晏🙈，餐厅都近乎落场，但好彩师傅肯煮埋俾我哋食先休息，而其后亦有多一台客，压力即刻冇咁大。餐厅环境正正常常，座位唔多，对比有卡通主题𠮶阵有好大分别。餐厅提供多款汤面及沾面，大部份定价为$85至$95，要多面增量版嘅就多$10。我哋嗌咗一碗拉面同一碗沾面，另外再加咗份小食。肉汁满满饺子($38)，🥟饺子一客有五只，佢唔算煎得超脆身，但胜在够多肉汁，简单蘸醋食已经几好味。激辛味噌拉面($95/标准130g)，瘾起想食辣就拣咗呢款激辛味噌，辣度可拣微辣、中辣或者重辣🌶。我拣咗微辣，依个辣度令我非常满意，佢能刺激味蕾嘅同时，但又唔会攻陷你。我估计汤底嘅辣味沿自辣肉碎，佢同其他配料(如粟米粒同葱粒)好搭调，令到每啖口感食落都好丰富。🍜拉面面条偏粗身，软硬度适中。叉烧有两块，肉质唔嚡，边边位仲烧得几香添。🥚溏心蛋都唔错，入味同够流心。题外话，你见我饮晒成碗汤就知个汤底真系有几惹味啦🤤，有图为证。黄金蟹膏牛奶沾
星期日去咗铜锣湾行街，我同朋友都想食面，就醒起希云街有间「富山面家」。当年佢同❤️蜡笔小新Crossover嘅时候我帮衬过，但味道就冇乜特别。不过见事隔多年，就俾多次机会佢啦。
由于我哋成三点先食晏🙈，餐厅都近乎落场，但好彩师傅肯煮埋俾我哋食先休息，而其后亦有多一台客，压力即刻冇咁大。餐厅环境正正常常，座位唔多，对比有卡通主题𠮶阵有好大分别。
餐厅提供多款汤面及沾面，大部份定价为$85至$95，要多面增量版嘅就多$10。我哋嗌咗一碗拉面同一碗沾面，另外再加咗份小食。肉汁满满饺子($38)，🥟饺子一客有五只，佢唔算煎得超脆身，但胜在够多肉汁，简单蘸醋食已经几好味。
激辛味噌拉面
$95
10 浏览
0 赞好
0 留言
激辛味噌拉面($95/标准130g)，瘾起想食辣就拣咗呢款激辛味噌，辣度可拣微辣、中辣或者重辣🌶。我拣咗微辣，依个辣度令我非常满意，佢能刺激味蕾嘅同时，但又唔会攻陷你。我估计汤底嘅辣味沿自辣肉碎，佢同其他配料(如粟米粒同葱粒)好搭调，令到每啖口感食落都好丰富。🍜拉面面条偏粗身，软硬度适中。叉烧有两块，肉质唔嚡，边边位仲烧得几香添。🥚溏心蛋都唔错，入味同够流心。题外话，你见我饮晒成碗汤就知个汤底真系有几惹味啦🤤，有图为证。
黄金蟹膏牛奶沾面
$95
13 浏览
0 赞好
0 留言
黄金蟹膏牛奶沾面($95/标准130g)，见个组合好似几新颖，就叫嚟试吓。面同𩠌用碟装住，令我联想起中华冷面🤣，哈哈。沾面汁系呢道菜嘅精华所在，牛奶味好重🥛，咸甜味得宜，但个汁偏流质，变相挂汁效果弱少少。面上面泥黄色𠮶擗系蟹膏酱🦀，加埋落个汁度会多一份鲜香。不过个汁如果可以用嚿热石全程㷫住就更佳！
饮品方面，我哋要咗日本蜜瓜碳酸饮品🍈($18)以及大分绿茶🍵($28)。呢两款都几好饮，证明餐厅入货几有眼光。
总括嚟讲，呢日再次到访富山面家简直有令我眼前一亮嘅感觉，味道可以讲系焕然一新😋。呢度嘅辛辣汤拉面真心正，比所谓日式麻辣拉面专门店嘅出品好食得多。经过今次之后，我会揾机会再嚟帮衬呢👍。
张贴
