影片
更多
2019-06-22
1329 浏览
金满庭闲日比较松动，但到星期六日就劲墟冚。个人认为德福店无论环境同食物味道都比荷里活𠮶间略胜一筹，不过呢啲见人见智啦，总之两间分店门口通常都人山人海。以前叫开碧螺春，但近年推出咗玄米茶，阵阵米香，真系一试就爱上。砂窝云吞鸡 — 半只鸡盛惠二百几蚊，有十几粒云吞。汤底好饮，唔系味精汤越饮越口渴。只鸡就老咗啲，连鸡髀都嚡口无乜味。红油抄手 — So far 金满庭调嘅汁系我暂时食过最好食嘅一间，唔会辣到咩味都食唔到。京烧羊腩 — 一上枱就系咁嘅样… 卖相核突咗啲，不过坚系羊腩，肉质松软带膻味，正！豆沙锅饼 — 以前食过高力豆沙，个皮超厚但馅极少（某山庄整得好食好多）。所以转点豆沙锅饼，外皮松脆，红豆绵滑。年初推出咗现金券，跟住就加咗价，加幅都几劲 (粗略估计近 15-20%)。不过好食兼水准稳定嘅上海菜真系买少见少喇，所以都会继续食
以前叫开碧螺春，但近年推出咗玄米茶，阵阵米香，真系一试就爱上。
砂窝云吞鸡
36 浏览
0 赞好
0 留言
红油抄手
45 浏览
0 赞好
0 留言
京烧羊腩
67 浏览
0 赞好
0 留言
豆沙锅饼
36 浏览
0 赞好
0 留言
年初推出咗现金券，跟住就加咗价，加幅都几劲 (粗略估计近 15-20%)。不过好食兼水准稳定嘅上海菜真系买少见少喇，所以都会继续食
张贴
