豆漿大王

营业中

休息中

成日都有杂志或电视台推介呢间2019米芝莲街头小食。对咸豆浆同咸粢饭有情意结嘅我星期六同大佬特登去新蒲岗会一会佢。大概2:00到达，都可以即时入座，唔洗等位真LUCKY。安排座位之前都会喺门口位置量体温。当时舖内都有8成满，台与台之间都几密吓，不过都有用隔板间喺台之间，梳化位尚算舒适。餐牌目不暇给，食物种类尚算多，当时仲有午餐供应，所以我哋两条友眼阔肚窄情况下叫咗:-1.     咸豆浆– 豆浆豆味浓郁，饮落顺喉。内容绝不欺场，比起平时食开第啲食店份量丰富得多。油炸鬼相信系炸得比较硬身，唔洗浸一阵就淋晒，食落口时仲有咬口，夹埋啲虾皮(米)、炸菜同葱花，一齐送入口，口感安真系冇得挑剔。不过调味方面我个人就觉得略有所欠。2.     酸辣汤云吞(菜肉) – 酸辣汤啲𩠌料都系非常满足，大量猪皮、豆腐、蛋丝同云耳丝，但系相对猪红份量比例就少咗啲。味道方面酸度同辣度啱啱好，喜欢味浓嘅我好钟意。云吞肉馅味道适中，质感实在。3.     上海排骨饭(午餐) – 配菜有雪菜肉丝，食落甜甜哋，送饭一流。炸排骨(猪扒)又干又硬，食唔出肉味，似食炸皮多啲。跟餐饮品想叫冻斋啡少甜，待应姐姐表示咖啡味道已调好，