百芳池上便當 (希慎廣場)

营业中

休息中

铜锣湾午饭时间又好赶嘅情况下，所以结果都系叫外卖会最方便，因为唔使等位。谂吓靠近地铁站附近嘅地方叫嘢食，因为觉得会比较快啲，跟住有朋友谂起可以试吓呢间百芳池上便当。外卖送来嘅时间比想像中多咗啲，但系还可以接受嘅，嚟到都仲系乱嘅。朋友叫咗个百芳卤鸡扒便当，分量方面系足够嘅，鸡扒味道亦都好够味，下边仲有少少粉丝，不过重点系啲汁唔系好够，所以食落个饭会有啲比较干嘅感觉。我就叫咗个台湾半筋半肉牛肉面，跟台湾粗面，面底几够烟韧咬口，份量亦都足够反为肉嘅份量比我想像中少，有啲唔够喉，汤底味道都可以。仲有叫咗两杯珍珠奶茶同埋布丁奶茶，珍珠奶茶味道系平均水准，布丁奶茶嘅布丁份量比较少，同埋口感始终唔够台湾本地𠮶啲咁滑。下次都系叫返珍珠奶茶稳阵啲。