影片
更多
2013-08-02
174 浏览
早几日午饭时间同同事路过，发现呢间嘢新开张，隔离嘅粥舖同四川菜take out都好多人等外卖，惟独佢冷冷清清。当时有职员捧住啲切成一片片嘅手卷俾做试食宣传，试咗一片，味道都ok，过两日咁啱又冇带饭，就去帮衬。当日同我哋发现呢间舖𠮶日情况类似，都系周围好多人而佢又冇乜人，只得一个客人堂食。不过入到去我总算明白佢冇人排队唔出奇，因为佢啲手卷系整定哂放喺冻柜入面，好似饼店咁格局。骤眼睇个冻柜都算干净（新开张都唔污糟得去边），我嘅关心系冇独立包装之下雪住嘅手卷可以有几鲜味。睇埋个价钱，最平𠮶条都要$20，大部分款式介乎$23～$26，而条手卷只有女仔玉手三分之二嘅长度，约4.5"左右！那么一刻真系有啲想调头走...... 不过啲店员盛情难却，就把心一横试一试。店员推荐我买set。佢哋有三个set：两条手卷＋面豉汤／汽水，两条手卷＋面豉汤＋汽水，三条手卷＋面豉汤＋汽水。我买咗第一个，盛惠$50但当你细看，就会发现set嘅手卷系名副其实被set定咗－－加洲手卷＋吞拿鱼牛油果手卷，仲要似系固定menu，唔似日日换款（唔知有冇误会）。两款都啱胃口所以冇乜所谓，但只得一个选择，唔食呢两款嘅朋友咪冇set
当日同我哋发现呢间舖𠮶日情况类似，都系周围好多人而佢又冇乜人，只得一个客人堂食。不过入到去我总算明白佢冇人排队唔出奇，因为佢啲手卷系整定哂放喺冻柜入面，好似饼店咁格局。骤眼睇个冻柜都算干净（新开张都唔污糟得去边），我嘅关心系冇独立包装之下雪住嘅手卷可以有几鲜味。睇埋个价钱，最平𠮶条都要$20，大部分款式介乎$23～$26，而条手卷只有女仔玉手三分之二嘅长度，约4.5"左右！那么一刻真系有啲想调头走...... 不过啲店员盛情难却，就把心一横试一试。
店员推荐我买set。佢哋有三个set：两条手卷＋面豉汤／汽水，两条手卷＋面豉汤＋汽水，三条手卷＋面豉汤＋汽水。我买咗第一个，盛惠$50但当你细看，就会发现set嘅手卷系名副其实被set定咗－－加洲手卷＋吞拿鱼牛油果手卷，仲要似系固定menu，唔似日日换款（唔知有冇误会）。两款都啱胃口所以冇乜所谓，但只得一个选择，唔食呢两款嘅朋友咪冇set食？
因为根本唔需要整，俾钱等店员装碗面豉汤出嚟，已经可以走得。返上公司，行到半路先醒起试食时嘅印象先入为主，佢好似冇帮我切片。因为佢唔系头尖尾窄𠮶种传统日式手卷，头咁粗尾咁粗咁都几难进食，男士可能冇乜所谓，但女士揸住嚿饭嚟咬就唔系咁斯文。我谂客人要求的话店员都会乐意切，但作为服务业，店员应该体贴啲，主动问客人需唔需要切开佢。唔系间间公司都有果刀，𠮶日我就只得一把月饼刀，一切即散，最后只好咬包咁咬。
拎到返公司，老细（日本人）问我食乜，我就打开俾佢睇。点知佢睇到好似有啲吓亲，同我讲大热天时食寿司要小心卫生。其实两条手卷包装都ok，系用防水纸盒唔系发泡胶，观感唔差，老细嘅意思应该系指佢冇独立包装。照咁睇呢间嘢应该做唔到日本人生意，虽然佢嘅target group都唔似系做日本客。
实际食放入口，两条手卷啲馅都足，几新鲜，味道亦唔错。可惜啲饭因为雪住，有少少干，饭味亦一般。反而个面豉汤值得一赞，有昆布有油豆腐，唔会太咸。女仔嚟讲呢个set已经够包，不过要成$50，就真系有啲唔抵。个人认为呢个格调嘅食店（得几个面壁座位），set价应该下调至$40～$45，中环区舖租贵竞争大，薄利多销先可以长做长有。set亦应该有啲选择，指定价钱任拣最为合理。
张贴