壹匯中菜廳 (東港城) (已結業)

星期六同屋企人经开东港城，爸妈喜欢食中菜，6：30pm 路过呢间见有位，我地俾$78 片皮鸭吸引左，就照入去！入面分左区，我地5个人就坐另一区，咁啱隔离有6人枱食饭中，因为食客饮酒讲野有点大声，而且坐得好近，问侍应话其他已订左位已经冇得调，所以唯有照食！上菜算快，叫左皇子片皮鸭 $78，粉皮及酱冇咩问题，系d 鸭冇咩肉及层肥肉比较厚，见到有专人片紧鸭...蜜盏安格斯牛仔裤粒 $95，一旧旧系薯仔，仲多过d 牛，牛肉粒就肥肉多过肉...扬州炒饭$88算大大碟都够食，不过觉得锅气欠少少...鱼汤花胶泡菜苗$85，材料够多，果下冇为意，系白菜多过似菜苗，花胶唔够腍，但都ok... 陈皮蒸大连鲍半打$68，个样系冇问题，但我第一啖就咬到沙，仲有少少腥，所以冇食落去，最后剩左只冇人想食...生猛大海中虾$98，呢碟好够味，本人觉得呢碟最好食，食左好几只！总结，抵食海鲜中菜！