我是珍奶狗 (已結業)

最近网上见到广告卖台湾出名既铁板芋泥吐司，食落非常吸引，于是就去试一试。可能因为午饭时间冇咩人，除左铁板吐司，台湾饮料外，仲有特色鸡蛋仔。我点左广告推介既铁板芋泥金莎朱古力吐司，等左5分钟左右就到手，不过吐司只系微暖唔太热，有纸袋装住就算唔系即食都几方便。佢用纸包住吐司，但由于系多层既纸，纸边会有纸碎痴住吐司既馅，都比较麻烦。我过左十分钟之黎先食，已经冻晒，虽然表面有少少烘过既金黄色，但吐司依然系念身。中间既馅料饱满，但金莎味会抢过芋泥，唔太食得出芋头味，只食到微甜既金莎酱味同芋泥口感既吐司，有点儿失望。而且价钱偏贵，所以试过一次就够。