TATA KSR 韓式。燒烤 (已結業)

男友渣开车经过长沙湾途经青山道发现咗呢间隐世小店，入去打算食个tea! 新开餐厅门口白色为主，好简洁，入面地方虽窄小，但人流好旺，主打韩国食物，见好多人点外卖。我地要左烤蛋、流心芝士吉列猪扒饭同泡菜炒饭。由于小店厨房得一人，所以繁忙时间都要等一段时间。不过好彩食物味道质素高，都好值得等待。先讲烤蛋，其实有啲似日本嘅玉子烧，不过佢中间系加了芝士，可见到充满流心既效果，蛋味浓郁、火喉刚好够哂嫩滑，好岀色。泡菜炒饭用上石锅盛起，能确保饭既余温，上面布满紫菜，佢饭同泡菜嘅份量超级多，系大食之选。佢会有少辣，每一啖饭都会食到有泡菜。最后系芝士吉列猪扒饭，呢个又系好出色，吉列猪扒外皮够香脆松软，猪扒肉质厚实，重点系流心芝士，好有拉丝既效果。估唔到小店可以做到咁出色嘅韩式美食，难怪咁多人帮衬，加上价钱一啲都唔贵CP值高！