TATA KSR 韓式。燒烤 (已結業)

都話左好快再嚟幫襯呢間小店😗今次試佢地嘅名物韓牛烤蛋飯！韓牛烤蛋飯$88真係有驚喜！烤蛋超好食，咬落去仲有蛋漿架！韓牛有牛味亦都嫩滑，醬汁都整得好好！烤蛋同埋牛食完好想繼續食😬燒翠肉瓜$10又抵又好食！10蚊串係邊度搵呀？！第二次黎都係收左工9點幾嘅時間，同樣經OpenRice 訂座，仲有折頭添🤣真係好抵食！坐著坐著，真係有啲掛住韓國旅行嘅時光！

去開長沙灣順便係附近睇下有啲咩野岩食喇咁岩見到依間韓國餐廳好似CP值都幾高咁入到去個feel 有啲似係韓國咁 可能太耐冇去旅行喇 但店舖都分左兩邊 其中一一邊係高枱黎嘅 舖頭鈿鈿餐廳入面嘅種類都算多 而且價錢方面都算OK around $50-80不等我同朋友分別叫左兩個餐同小食芝心豬扒飯依個係佢地大熱菜式 個豬扒佢炸到金黃色 酥脆得黎又唔會好熱氣 豬扒入面就包住左滿滿嘅芝士 同埋佢地好貼心咁一早切開左幾舊 一夾一拉啲芝士就好似爆哂出黎咁 勁流心 佢個飯仲有啲青瓜絲同沙律醬伴飯 食完依個都幾full下看韓劇想吃的炸醬麵炸醬麵份量都幾多下 入面有大量炸醬汁料 仲有青瓜絲作為伴碟 炸醬汁料嘅用左唔少料去整 味道濃郁 食落去帶微甜 而啲醬汁十分之掛麵 卷蛋食落去有少少流質 唔會好死實 蛋香味濃

今日去開長沙灣探老朋友，我突然之間想食韓國菜，於是朋友帶咗我嚟呢間餐廳食飯。雖然餐廳細細，但係都不乏捧場客，我哋都彈嗰陣先有位。我哋兩個人各自點左泡菜炒飯同芝心豬扒飯。泡菜份量多到每食一啖都食到，而且味道唔會太酸,，面頭灑上好多紫菜，炒飯一流。而芝心豬扒飯都唔錯，炸豬扒入邊配上流心芝士，味道好夾，而且飯底配左小小沙律醬，味道無違和感。我地另外試左韓式蛋卷，呢款蛋卷唔係全熟有少少流質嘅質地，好有蛋香味。

收工又為食，天寒地凍想起部隊鍋呢樣野！係長沙灣附近有間韓國菜小店，有一人部隊鍋！一於試一試！TATA部隊鍋$88簡簡單單一人煲。入面有翠肉瓜、午餐肉、黃芽白、韓式年糕、公仔麵！講個湯先，OK唔差喎！少計辣，似樣呀！入面啲配料正正常常！咁有韓國feel唔係唔飲返支真露呀嘛😎就咁隊啦！滿足😌呢間店開到好夜下，收工都仲趕得切黎食！一定會再黎試其他野！

估唔到長沙灣都食到好食嘅韓國菜！🔖炸醬麵套餐💰70炸醬味道好香濃，而麵條本身都唔乾身，仲有啲咬口添☺️配料方面除咗有青瓜絲之外仲有，仲有薯仔粒同肉粒，所以都唔洗擔心會好單調😋💫推薦指數: 8/10🔖Tata蛋炒飯套餐💰70雖然佢係叫蛋炒飯，但都仲有其他配料㗎~有紫菜同午餐肉🐽炒飯個調味都做得好好😚女仔其實應該食唔哂一個🤣💫推薦指數: 9/10🔖一口牛串燒💰18牛肉肉味香濃，質感都夠軟腍🤓💫推薦指數: 8/10🔖雞軟骨💰15雞軟骨真係每次食串燒都必嗌啊🥳雞軟骨夠香脆，都幾惹味😙不過有少部份係偏細粒，影響咗整體個口感🙈💫推薦指數: 7.5/10-溫馨提示👉🏼套餐係包咗丸子牛骨湯、泡菜同飲品

🍢TATA KSR 韓式。燒烤 🍢.雖然平時比較少分享，但其實我都幾鍾意食韓國菜🇰🇷 辣辣地🌶 加入大量芝士🧀簡單粗暴就好好味😋.🍳Tata 蛋炒飯$58一般我見到店舖同名嘅菜式就會揀，通常都好味😏 所以唔辣都照揀😂果然冇錯，材料睇落簡單，就係午餐肉+紫菜絲+蔥粒🤔 但調味幾好，飯粒粒分明，簡單得來又好好食😋🍚泡菜炒飯$58呢個就真係辣喇😍 佢嘅辣係喺喉嚨蔓延果種鹹辣🌶 好惹味，食到暖笠笠☺️🍳烤蛋$25好邪惡嘅卷蛋😍太有愛了，給它多點特寫🤤口感軟綿，蛋汁juicy🥰..🍢TATA KSR 韓式。燒烤 🍢📌地址：長沙灣昌華街38號麗寶花園地下2A號舖

小店位置比較隱蔽 夾咗喺地產鋪同髮型屋中間真係會一個唔覺意行過左都唔出奇😂1️⃣ 烤蛋上碟嘅時候以為佢係好似普通日式玉子燒點知一咬原來入邊包左芝士同粟米因為上枱嘅時候熱辣辣 所以啲芝士仲做到溶溶地既效果 真係好正正呀我覺得舖頭應該將佢改名做芝士粟米烤蛋會更加吸引大家叫黎試2️⃣ 韓式炸醬麵黑豆醬偏向杰身 調味唔會太咸醬入面嘅薯仔做到好腍身 但又唔會係撈麵嘅時候整爛晒3️⃣ 泡菜炒飯對於完全唔食得辣嘅人來講 舖頭用嘅泡菜會有小小辣但食到辣嘅人會覺得幾惹味炒飯入邊仲配咗少少豬肉 唔會太過單調成個炒飯份量都幾多 不過就略嫌油咗少少

長沙灣有間平價韓食小店，店員都係後生仔黎。細細間嘅餐廳，右邊擺放幾張四人枱，然後左邊就係吧枱，主要用少少霓虹光管作粉飾。呢晚我地一人一個主食再share, 分別order左TATA蛋炒飯，同埋好耐冇食過嘅韓式炸醬麵，而小食就分別有泡菜同埋有雞蛋卷。本身碟炸醬麵嚟到嘅時候見到上面好大pat醬有少少擔心會唔會好濃味好鹹架，但點知撈完覺得份量係剛剛好，亦都冇出現我所擔心嘅問題另外嘅蛋炒飯都幾香，加埋紫菜覺得好開胃。泡菜嘅份量就比我想中少，但係個蛋卷就非常之唔錯，一黎好香，二黎裏面除咗有芝士，仲加咗粟米，令個口感更加豐富

今日朋友帶我嚟一間韓國菜小店，名叫TATA KSR 韓式燒烤。入面嘅環境佈置充滿住韓風。我哋首先揀咗兩款小食。烤蛋大大份size分量十足。烤蛋入面捲着厚厚嘅芝士層，呈現半溶狀態，非常好味。食韓國菜又點少得泡菜，酸酸辣辣咁非常開胃。然後就輪到食我哋嘅主食，朋友揀咗芝心豬扒飯。豬扒外面炸得香脆，入面就捲着芝士，無論送飯定當作小食口感味道都一流。TATA蛋炒飯上面灑上滿滿嘅紫菜絲，非常香口。炒飯材料豐富，仲有我最鍾意嘅午餐肉，炒飯雖然簡單，但亦做得出色。而最特別嘅就係韓式小店竟然會提供王老吉，食完比較熱氣嘅炸豬扒飲番啖又確係唔錯。

店面唔算起眼，喺斜路嘅一間小店，真係要落足眼力睇先會搵到試咗呢個二人套餐唔想嘅話都有其他食物選擇韓式炸醬麵+泡菜小吃+Coke（牛骨丸子湯賣曬🥺以烤蛋代替）烤蛋有芝士作內餡，熱辣辣即煎即上，芝士流心，咬落爆汁～配上甜醬油，令炸醬面配有蘿蔔，薯仔，仲有少少肉粒面條粗身，似有咬口嘅烏冬咁。所以相當掛汁～泡菜炒飯～唔知喺相睇唔睇得出，都相當大碗😂飯量極多！配上泡菜絲同肉粒，香口得來口感亦豐富！另外幾鍾意佢調味，感覺泡菜味比出面更濃，更辣更香！

平時好少很到過去呢頭食野，今次真係有驚喜，食到間良心小店！門面好神秘，有啲拒人門外嘅感覺，但入面其實好溫馨，由幾位年輕人經營，入面有少量坐位見到IU就好似去左韓國咁，好有feel!我哋分別叫左芝心豬扒飯同埋TATA蛋炒飯，仲點左一份玉子燒(*¯︶¯*)玉子燒好滑，比平時食到嘅更加好味，忍唔住一啖一舊係咁食！芝心豬扒好蛋人推介，所以我哋都叫左黎食，豬扒卷成一條份而有流心芝士，芝士唔算蛋但都好夠味，即使豬扒有少少鞋都可以接受！上枱時切開左4舊，側面可以見到佢嘅流心芝士( ´▽｀)越簡單嘅野食，越難做得好，Tata蛋炒飯囉然簡單，但味道一流，炒飯料好多，加埋紫菜一齊食好夾全餐飯最有驚喜係泡菜，平時唔食泡菜嘅我都追住食！

經過呢間小店，見到佢門口有句野係話如果猶豫緊食唔食好，就入去試下，可能就會岩自己既味道! 所以同朋友就入去食下啦! 佢D set 都幾抵，一人餐有小食同埋飲品。一開始店員就會提供泡菜同埋小食，今次因為原有小食冇貨，所以換左個蛋卷比我地。入面仲有粟米同芝士，都幾足料架! 感覺上D蛋加左牛奶，因為食落好滑。主食我地叫左炸醬面同埋泡菜炒飯。炸醬面個面底好彈牙，係扁身既面，炸醬都比得好足，入面仲有好多料。泡菜炒飯入面仲有D豬肉粒，個飯都好夠味，辣辣地，我地都一口接一口咁食! 晚餐黎講，性價比真係幾高架，大家都快D支持下呢類小店啦!

深水埗同長沙灣只是一個短短地鐵的距離 , 但人流明顯已有好大分別今次黎到長沙灣正正是為了初試網上黃店群組推介的韓式小店 - TATA KSR 韓式.燒烤離長沙灣地鐵站也頗遠...出地鐵站後需要走8-10分鐘才到之所以名乎其實小店 , 因為店舖面積只有不足300呎 , 5-6張餐枱組合出約容納20人左右的餐廳不過面積雖小 , 但裝修也頗為精緻 , 門口及內裡采用工業風風格及裝修 , 走型格路線落了ORDER不夠10分鐘首先到的是芝心豬扒飯厚厚既吉列豬扒偏向酥脆類煮法 , 內裡充滿釀制的濃濃白芝士流心狀再點埋在旁的沙律醬食...簡直夾得天衣無縫 , 非常推介泡菜炒飯材料有紫菜 , 芝麻泡菜 , 韓醬 , 小量肉塊 等飯粒 粒粒分明 , 幾入味 , 少量既辣度 , 跟首爾食過炒飯既味道差不多炒蛋捲芝士蛋香濃郁 , 新鮮炒落 , 內裡仲熱暖暖 , 小食之食之選跟餐均附泡菜一小碟及飲品 , 選了王老吉可能少食韓式野關係 , 感筧新鮮 , 質素不錯見到仲有韓式部隊鍋未能一試....下次再臨實會優先ORDER一嘗

同屋企人去左長沙灣食飯，其實呢度都係有好多好野食既地方，不過平時除左去行山之外就少d黎。今日黎到呢間舖面唔太大，同埋比較黑好易行過龍。今次我地食韓國野。成個set咁食串燒其實燒得幾好食~~~ 係翠玉瓜~同埋娃娃菜，少少燒焦係最好食的。本身鍾意疏菜就不要錯過。2個飯都幾正。我地叫左tata蛋炒飯，芝心豬排飯，2個飯其實都幾好味，同平時ge石鍋飯比有d新意。同部隊鍋。Tata蛋有d似日本既玉子燒~~初頭以為會唔會唔夠食，點知全部野份量都幾大。最後仲有部隊鍋，食食下都幾飽肚，佢都辣辣地，係幾香，只係我唔食得辣，撐住肚皮走。晚市果一晚都唔太多人，可能果個位置人流唔太多。不過價錢合理，又好味，性價比好高，下次會再黎食！

位於長沙灣嘅一間韓式小店，餐廳唔大，裝飾得好chill，主要提供韓式食品同埋串燒。芝心豬扒飯，勁正嘅豬扒！一圈圈金黃色嘅外表包住豬扒，入面仲有流心芝士，非常香濃。白飯上面有青瓜絲同蛋黃醬，撈埋白飯一齊食~ 雖然好邪惡，但係好香口惹味~~~跟餐小食點咗泡菜小份，小份但係份量都唔小，特別開胃。韓式炸醬麵，有炸醬同埋少量嘅青瓜絲，麵條非常彈牙，味道好清爽，唔會太重口味。小食係烤蛋，以為係普普通通嘅烤蛋，點知非常有驚喜。裡面有芝士同埋粟米，被一層層嘅蛋包住，好creamy又滑，層次感十足。總括黎講，雖然店面細細，但係食物質素唔錯，價錢合理，好值得去試一下，夜晚同三五知己黎歎燒啤食番幾串串燒都係好好嘅選擇！