影片
更多
2021-12-19
920 浏览
难得姪仔过嚟玩，晚餐就带佢去食潮州菜。呢间餐厅喺屋企附近，行路就到。姪仔话冇正式食过潮州嘢，咁就一于俾佢见识一番。一坐低就嗌咗条乌头，姪仔从来冇试过咁嘅食法，觉得好新奇，当然亦都大赞好味。因为张枱接近厨房出菜位，几乎每碟𩠌都睇到流晒口水。参考完餐牌，决定要锅蚝仔粥，煎蚝饼，花枝虾枣，椒盐蒜香虾。本来想要个潮州小炒皇，但系问落之下觉得冇乜特别，于是就转咗要糖醋面。生昌花枝虾枣一碟有十粒，比起其他潮州菜馆，呢度的虾枣算系大粒，食落亦都弹牙，食得出系新鲜食材。椒盐蒜香虾我就觉得一般般。啲虾系新鲜嘅，亦都炒得香口，甚至乎虾壳都可以食埋。但系我嫌佢太油腻，而且好多第啲餐馆做得比佢好，个人唔觉得有乜特别。蚝仔粥一向系我嘅至爱，凡睇到餐牌上有佢就必定会嗌。叫得做翅汤蚝仔粥，汤底当然鲜甜，蚝肉亦都非常之多，今晚嗌咁多样嘢，我对佢最满意，我一个人就食咗五、六碗咁多！✌️嚟得食潮州菜，煎蚝饼一定系必食之一。呢度嘅蚝饼煎得卜卜脆，食落去唔油腻，仲系啖啖都食到蚝肉，算系货真价实，一啲冇欺场。最后上嘅系潮州糖醋面。呢个面系几得意，煎面上面落咗啲糖，食嘅时候再沾啲醋，食落酸酸甜甜都几开胃。食物味道我觉得唔差，不过佢
一坐低就嗌咗条乌头，姪仔从来冇试过咁嘅食法，觉得好新奇，当然亦都大赞好味。
盐焗乌头
$148
27 浏览
0 赞好
0 留言
因为张枱接近厨房出菜位，几乎每碟𩠌都睇到流晒口水。参考完餐牌，决定要锅蚝仔粥，煎蚝饼，花枝虾枣，椒盐蒜香虾。本来想要个潮州小炒皇，但系问落之下觉得冇乜特别，于是就转咗要糖醋面。
生昌花枝虾枣一碟有十粒，比起其他潮州菜馆，呢度的虾枣算系大粒，食落亦都弹牙，食得出系新鲜食材。
生昌花枝虾枣
$118
28 浏览
0 赞好
0 留言
椒盐蒜香虾我就觉得一般般。啲虾系新鲜嘅，亦都炒得香口，甚至乎虾壳都可以食埋。但系我嫌佢太油腻，而且好多第啲餐馆做得比佢好，个人唔觉得有乜特别。
椒盐蒜香虾
$138
19 浏览
0 赞好
0 留言
蚝仔粥一向系我嘅至爱，凡睇到餐牌上有佢就必定会嗌。叫得做翅汤蚝仔粥，汤底当然鲜甜，蚝肉亦都非常之多，今晚嗌咁多样嘢，我对佢最满意，我一个人就食咗五、六碗咁多！✌️
翅汤蚝仔粥
$138
37 浏览
0 赞好
0 留言
嚟得食潮州菜，煎蚝饼一定系必食之一。呢度嘅蚝饼煎得卜卜脆，食落去唔油腻，仲系啖啖都食到蚝肉，算系货真价实，一啲冇欺场。
潮州煎号饼
$108
24 浏览
1 赞好
0 留言
最后上嘅系潮州糖醋面。呢个面系几得意，煎面上面落咗啲糖，食嘅时候再沾啲醋，食落酸酸甜甜都几开胃。
潮州糖醋面
$98
52 浏览
0 赞好
0 留言
食物味道我觉得唔差，不过佢啲卫生环境就非常之唔掂。食具摸落非常油腻，应该系洗得唔干净。张枱亦都「黐黐lup lup」，加上枱与枱之间非常之逼夹，坐响度觉得周身唔舒服，似系随时有老鼠曱甴捐出嚟𠮶只。个人来讲，试一次就够，应该唔会再帮衬。
张贴
