Fantasy Coffee

营业中

休息中

其实之前食过一次，都遇过啲极之唔开心嘅事，谂住相隔一年会期待佢地有转变，点知都系冇，系几甘令人失望嘅一件事。。。上次食嘅时候卫生已经一般，食物有头发。。。仲有！我谂个厨师冇谂过佢哋嘅埋怨说话会比客人听到，毕竟个餐厅内嘅厨房系采用开放式厨房，所以佢地嘅一言一行，出面嘅客人都会知！今次去食，啲侍应态度都冇改过。女侍应招待客人嘅态度好差，问佢攞杯水。两三次都唔理会，就咁行过。最后仲好唔情愿咁放低杯水。唔止我呢一枱，其他枱嘅客人我都见到佢好唔情愿咁放低杯水，啲水仲要满泻出嚟，放低之后得返半杯水。态度就真系一半。劣质！另外有个店员明明见住有另一店员清洁甘张枱，仲可以照摆野饮落黎，请问卫生常识系边？当然中肯啲讲，除咗态度，嘢食系真系都几好食嘅，特别系水牛芝士蕃茄薄饼，同黑松露野菌意大利饭。