Basilico (已結業)

一个旺角，一个铜锣湾，食饭时间无订台，真系会等到人嬲嬲猪啰！都系M佬最醒，即刻带我去铜锣湾二线地段嘅登龙街觅食！记得我仲读紧书（当然唔系好耐之前），登龙街有好多上楼酒吧，曾经因为唔同嘅转变，变得越嚟越少人，直到近年Jamie’s Italian嘅出现，令到登龙街人流再次回升，仲开咗好多食肆添！而M佬今日就带我去到永光中心，望住个水牌，真系唔识拣呀，一于交畀命运啦，用点指兵兵嘅方法，虽然儿戏啲，但总算决定好今晚嘅餐厅喇！上到嚟9楼，餐厅又几多feel㖞，原来人流都唔少，好彩等5分钟就有位喇！BBQ Sticky Ribs (Half)出街食饭，总想叫多啲，因为想试多啲唔同种类嘛（当然咪做大嘥鬼），呢度就有半份嘅烧猪肋骨，啱哂心大心细嘅你啦！唔好以为半份好少㖞，原来都有7条骨架，肉质仲好嫩滑添！而最重点就系个特制嘅BBQ酱汁，味道浓郁，好入味。但如果钟意清淡啲，记住边食烧猪肋骨嘅时候，食埋旁边嘅沙律菜中和番。Grilled Snapper通常我哋2个出去食饭，一碟红肉，另一碟就会选择白肉。今次就叫咗个Grilled Snapper，呢个鱼烤得啱啱好，唔会太干，仲保留到鱼嘅鲜味。味道同个Ri