康瑞涼茶 (已結業)

糖水款式唔多，价格亲民，20至25蚊就食到碗糖水~主要分桂枣雪耳、红豆沙、绿豆沙、姜汁、西米露、仙草奶露，再配搭最受欢迎嘅芋圆、地瓜圆、小丸子~特式仙草百配 $25喺网上见过唔少图片，发现我呢碗同大部分人嘅有少少出入…或者系唔同师傅做嘅都有所不同(?!)我呢碗就有大量仙草，仙草系食过质地最滑溜！「嗖」一声就吞左落肚，仲带淡淡甘香！芋圆、地瓜圆、小丸子都好烟韧、弹牙，唔会实的的，口感非常好， 甜度适中！当中仲有西米、红豆、薏米、珍珠 ~以咁嘅价钱，能够有咁多种类材料、质素，难怪咁受欢迎！椰奶红豆沙配 $25因为加入椰奶，并唔似一般红豆沙嘅颜色，糖水质地稀身，饮落更舒服、滋润。里面嘅材料丰富，既有红豆、芋圆、地瓜圆、小丸子，仲有西米露！ 男朋友都觉得呢碗糖水唔错，而且佢偏爱呢间嘅地瓜圆，唔会淡茂茂， 又有咬口桂枣雪耳甜汤 $20朋友点嘅系雪耳甜汤，饮落清清甜甜，特别系我地刚烧烤完，十分润喉！其实加5蚊一样有齐芋圆、地瓜圆、小丸子，但朋友就冇特别点材料方面见到有红枣、少量龙眼肉、份量颇多嘅雪耳~味道就唔错，可惜雪耳质素一般，食落太硬，唔够爽滑，朋友都食唔哂。整体黎讲，试过一次都明白点解康瑞人