Baker by Lubuds

营业中

休息中

本身对呢间舖零认识，咁啱经过见到排晒长龙就好奇上网查下间野系咩来头，一查先知原来系出名酥皮蛋挞，而且咁啱系3点果转嘅出炉时间，所以就决定攞筹试下，等左阵已经听到喺龙尾个职员截筹，好彩果断决定同埋悭左排队时间。一开波开始卖就好快到我地，过程唔洗5分钟。咁难得食到呢间舖就觉得可以试埋佢个牛角包同蓝莓挞，所以最后决定买埋。每日限量嘅酥皮蛋酥新鲜出炉，热辣辣同埋酥皮有好多层，食落口感非常好，而且中间嘅蛋都好滑。不过牛角包就应该已经摆左一段时间，只系暖暖地，而且整体嚟讲冇话好特别。另外蓝莓挞上嘅蓝莓都新鲜，蛋挞酥皮嘅层次冇咁限量果个咁多，而且价钱比限量嘅贵，性价比冇咁高。