叻沙味道 (已結業)

以"叻沙味道"为店名，主打好几款东南亚菜式如肉骨茶或海南鸡饭等。仲以为叻沙系呢度嘅招牌菜，会整得好出色，点知原来得个名。呢度环境唔错，空间大而且有好多卡位。睇睇menu，除咗东南亚菜外，亦有中式小菜。见set lunch已有叻沙拣，所以order咗套餐。鲮鱼球海虾肥牛叻沙。叻沙可选辣度，我拣咗大辣。见到碗面，我嘅感觉系油到冇朋友。所谓大辣，同我自己加大量辣油冇唛分别。真系汤都唔敢饮多啖。味道方面，有啲失望。完全冇叻沙应该有嘅椰香同虾膏嘅惹味。如果＂叻沙味道＂系咁，我之后应该唔会再食叻沙啰。配料就只有鲮鱼球好食。连个豆卜都好硬。虽然份量足，但重量唔重质。套餐$38，冻饮+$5，盛惠$43。虽然唔系贵，但食一次就够。