Niku Niku (已結業)

而家疫情严重，约到好朋友出尼食饭当然想食一餐好，揾呢一间日本烤肉系因为一个电视宵夜节目嘅介绍，试左重点推介嘅牛汤面，的确系好好食！但好可惜我地都唔会再尼，因为服务太差！我地两个人第一次帮衬，唔想拣当然系叫二人前嘅套餐，滚水渌脚咁上哂嘅前菜沙律生牛肉同海胆牛肉卷，一次过要我地食，点解唔可以慢慢上？好啦...终于食完，等左阵无人理我地，又要叫先识上烤肉俾我地...上烤肉果阵，个服务员好好人咁问我地驶唔驶帮手烧，有服务当然接受啦，但佢竟然烧到一半走左第到去执台，我地唔系介意佢有其他野做，而系佢行去执完台都无返尼处理过我地旧牛肉，最终旧牛肉变左旧炭！或者我地唔系熟客啦，所以佢要去执台俾左熟客先。不过我地都无机会会做到呢间餐厅嘅熟客啦，因为「无下次」