影片
更多
2007-05-09
41 浏览
晌好耐…好耐…好耐以前，Delifrance唔系而家o既Delifrance个阵，试过一早买左个Croissant，摆到晏昼先食，都仍然系好松脆，今时今日当然无可能啦。我成日都觉得，好食o既面包系经得起时间o既考验o既，一个好食o既面包，就算新鲜出炉之后摆佢几个钟，都唔会变得唔好食，最多只系无咁好食。如果连新鲜出炉o既面包都唔好食，咁就真系唔该执左佢。上星期六去呢度买左三样野，有两样插住Just Made。大家都知呢度好兴插Ｄ牌晌度，慌死人地唔知佢Ｄ野新鲜出炉咁！我成日谂，咁唔插牌个Ｄ系咪就代表左叫你最好唔好买呢……遮系呢Ｄ咪就系叫做捉虫罗。咁我岩岩先晌隔离Grand Place食完野，无可能即刻吞呢三坛野落肚格。结果我三个钟头后先收拾佢地，除左个丹麦酥之外，另外两坛都极唔掂。无野o既，大家觉得呢度Ｄ饱真系掂o既咪继续买罗，需知道，面包铺呢家野，除非真系难食得好交关，如果唔系真系好难会折埋o既，就好似大家屋企或者office楼下个间咁，你唔会觉得佢好好食，但系佢又硬系可以毫无改进咁继续做落去，可况呢间野泊著CitySuper咁大个码头。仲有呀，呢度Ｄ姐姐同你楼下间面包铺个阿姐一样，都系
Delifrance唔系而家o既Delifrance个阵，
试过一早买左个Croissant，
摆到晏昼先食，都仍然系好松脆，
今时今日当然无可能啦。
我成日都觉得，
好食o既面包系经得起时间o既考验o既，
一个好食o既面包，
就算新鲜出炉之后摆佢几个钟，
都唔会变得唔好食，
最多只系无咁好食。
如果连新鲜出炉o既面包都唔好食，
咁就真系唔该执左佢。
上星期六去呢度买左三样野，
有两样插住Just Made。
大家都知呢度好兴插Ｄ牌晌度，
慌死人地唔知佢Ｄ野新鲜出炉咁！
我成日谂，咁唔插牌个Ｄ系咪就代表左叫你最好唔好买呢……
遮系呢Ｄ咪就系叫做捉虫罗。
咁我岩岩先晌隔离Grand Place食完野，
无可能即刻吞呢三坛野落肚格。
结果我三个钟头后先收拾佢地，
除左个丹麦酥之外，
另外两坛都极唔掂。
无野o既，
大家觉得呢度Ｄ饱真系掂o既咪继续买罗，
需知道，面包铺呢家野，
除非真系难食得好交关，
如果唔系真系好难会折埋o既，
就好似大家屋企或者office楼下个间咁，
你唔会觉得佢好好食，
但系佢又硬系可以毫无改进咁继续做落去，
可况呢间野泊著CitySuper咁大个码头。
仲有呀，
呢度Ｄ姐姐同你楼下间面包铺个阿姐一样，
都系会将你个包先「掟」入个袋度，
然后至将你袋包「掟」俾你架，
个种感觉真系亲切到呢……
张贴