開花結果 (榮吉工業大廈) (已搬遷) 新店位置

开花结果我食咗好多年，质素一直好稳定，通常都系食佢嘅包+沙律+饮品套餐，如果有时撞啱两点半下午茶时间，就会叫鸡髀沙律，佢嘅鸡髀非常之好食，如果有全港炸脾排名榜，开花结果嘅炸鸡髀可以入十大。讲返套餐，最喜欢佢嘅黑椒蟹柳牛角包，系好奇妙嘅配搭，黑椒配蟹柳味道非常之夹，但牛角包始终系高脂肪食物，近年已改食麦包，沙律方面好多人都叫开花结果，但我喜欢佢嘅杂果沙律，如果啲苹果可以切细粒啲更好。另外一款我自喜爱嘅沙律系薯仔西芹，又系另一个好奇妙嘅配搭，菠萝粟米蛋以前都钟意食，但而家唔知咩原因难食咗，𠮶啲菠萝有渣又冇味。饮品方面加钱有台式饮品，胚芽珍珠奶茶都唔错。另外值得一提系戴眼镜长发嘅事头婆好好人，好多年前试过银包唔够cash，呢间嘢又唔收电子支付，个收银即刻㶶晒面想报警咁，事头婆即刻走过嚟叫我出去揿钱先，慢慢嚟唔使急，真系抵佢好生意。